നിങ്ങൾക്ക് പ്രമേഹമുണ്ടെങ്കിൽ എന്തു കഴിക്കണം, കഴിക്കേണ്ട എന്നോർത്ത് ആശങ്കയിലാണോ? രക്തത്തിലെ പഞ്ചസാരയുടെ അളവ് കൂട്ടുന്ന ചില ഭക്ഷണങ്ങൾ ഉണ്ട്. പ്രമേഹരോഗികൾ തീർത്തും ഒഴിവാക്കേണ്ട ആ ഭക്ഷണങ്ങൾ ഏതൊക്കെ എന്നു നോക്കാം. ഈ ഭക്ഷണങ്ങൾ കുടവയർ ഉണ്ടാക്കുകയും കൊളസ്ട്രോളിന്റെയും ട്രൈഗ്ലിസറൈഡ്സിന്റെയും അളവ് കൂട്ടുകയും ചെയ്യും.

• കാർബണേറ്റഡ് പാനീയങ്ങൾ, ഫ്രൂട്ട് പഞ്ച്, മറ്റു മധുരപാനീയങ്ങൾ ഇവയൊന്നും കുടിക്കാൻ പാടില്ല.ഇവയിൽ ഫ്രക്ടോസ് ധാരാളമുണ്ട്. ഇത് ഇൻസുലിൻ പ്രതിരോധവുമായി ബന്ധപ്പെട്ടിരിക്കുന്നു. പൊണ്ണത്തടി, വയറിലെകൊഴുപ്പ്, ഫാറ്റി ലിവർ, ഹൃദ്രോഗം ഇവയ്ക്കും ഈ പാനീയങ്ങളുടെ ഉപയോഗം കാരണമാകും.
• ചീസ്, ചിപ്സ്, സോസേജ്, റെഡി ടു കുക്ക് മീലുകൾ എന്നിങ്ങനെയുള്ള സംസ്കരിച്ച ഭക്ഷണങ്ങളിൽ അമിതമായ പഞ്ചസാരയും സോഡിയവും മോണോസോഡിയം ഗ്ലൂട്ടാമൈറ്റ് പോലുള്ള കൃത്രിമ ചേരുവകളും പ്രിസർവേറ്റീവുകളും അടങ്ങിയിരിക്കുന്നു. പ്രമേഹ രോഗികൾ ഇവ കർശനമായും ഒഴിവാക്കേണ്ടതാണ്.
• പ്രമേഹ രോഗികൾ വൈറ്റ് ബ്രഡ് ഡയറ്റിൽ നിന്നും ഒഴിവാക്കുന്നതാണ് നല്ലത്. ഉയർന്ന 'ഗ്ലൈസെമിക്' സൂചികയുള്ള ഇവ രക്തത്തിലെ പഞ്ചസാരയുടെ അളവിനെ കൂട്ടാം.
• റിഫൈൻ ചെയ്ത ധാന്യങ്ങൾ, മൈദ, വൈറ്റ് റൈസ്, ബസ്മതി അരി പോലുള്ള പോളിഷ് ചെയ്ത ധാന്യങ്ങൾ എന്നിവയെല്ലാം അമിതമായ പഞ്ചസാര ശരീരത്തിൽ എത്തിക്കുന്നു. ഇൻസുലിൻ ഉത്പാദിപ്പിക്കാനുള്ള പാൻക്രിയാസിന്റെ ശേഷിയെയും ഇവ ബാധിക്കും. ഇതിനാൽ റിഫൈൻ ചെയ്ത ഭക്ഷണവിഭവങ്ങളും ഒഴിവാക്കേണ്ടതാണ്.
• മാമ്പഴം, വാഴപ്പഴം, മുന്തിരി തുടങ്ങിയ മധുരം അമിതമായി അടങ്ങിയ പഴങ്ങളും അധികം കഴിക്കേണ്ട. ഇവ ചിലപ്പോൾ രക്തത്തിലെ പഞ്ചസാരയുടെ അളവിനെ കൂട്ടാം. അതിനാൽ ഇവ പ്രമേഹ രോഗികൾ മിതമായ അളവിൽ മാത്രം കഴിക്കുന്നതാണ് നല്ലത്.
• ഏതളവിലും മദ്യം മനുഷ്യന് ഹാനികരമായ പാനീയമാണെന്ന് പുതിയ പഠനങ്ങൾ പലതും തെളിയിക്കുന്നു. പ്രമേഹ രോഗികൾക്ക് മദ്യം പൂർണമായും ഒഴിവാക്കേണ്ട ഒന്നാണ്.

ഹെൽത്ത് ടിപ്സുകൾ ദിവസവും ലഭിക്കുവാൻ ഈ പോർട്ടൽ ഫോളോ ചെയ്യുക.

ഓറഞ്ചിന്റെ ആരോഗ്യഗുണങ്ങൾ... Read More