അനർട്ട് നടപ്പിലാക്കുന്ന സംസ്ഥാനത്തെ ആദ്യ സൗരോർജ ഇ വി ചാർജിങ് സ്റ്റേഷൻ നാടിന് സമർപ്പിച്ചു

കാർബൺ ന്യൂട്രൽ കേരളം എന്ന ലക്ഷ്യത്തോടെ അനെർട്ടും കുന്നംകുളം നഗരസഭയും ചേർന്ന് കാണിപ്പയൂർ ഓൾഡ് മാർക്കറ്റ് റോഡിൽ സ്ഥാപിച്ച സൗരോർജ്ജ ഇ വി ഫാസ്റ്റ് ചാർജിങ് സ്റ്റേഷൻ പദ്ധതിയുടെ ഉദ്ഘാടനം എംഎൽഎ എ സി മൊയ്തീൻ നിർവ്വഹിച്ചു.കാർബൺ ന്യൂട്രൽ പദ്ധതിയിലുൾപ്പെടുത്തി സർക്കാർ സ്ഥാപനങ്ങളുമായി യോജിച്ച് അനർട്ട് നടപ്പിലാക്കുന്ന സംസ്ഥാനത്തെ ആദ്യത്തെ സൗരോർജ ചാർജിങ് സ്റ്റേഷനാണ് കുന്നംകുളം മുൻസിപ്പാലിറ്റിയുടെ കീഴിലുള്ള കാണിപ്പയ്യൂർ ഓൾഡ് മാർക്കറ്റിൽ സ്ഥാപിച്ചിരിക്കുന്ന 160 കെ ഡബ്ലിയു ശേഷിയുള്ള ഈ ഇ.വി ചാർജിങ് സ്റ്റേഷൻ.160 കെ ഡബ്ലിയു ശേഷിയുള്ള ചാർജിങ് സ്റ്റേഷനിൽ 5 കെ ഡബ്ലിയു പി സോളാർ പവർ പ്ലാന്റ് കൂടി സ്ഥാപിച്ചിട്ടുണ്ട്. 40 ലക്ഷം രൂപയാണ് പദ്ധതിക്ക് വിനിയോഗിച്ചത്.

ഒരേസമയം 5 കാറുകൾക്കും 4 ടൂവീലർ/ത്രീവീലർ വാഹനങ്ങൾക്കും ഇവിടെ ചാർജിങ് ചെയ്യുവാൻ സാധിക്കും. അപരസഹായമില്ലാതെ തന്നെ chargeMOD മൊബൈൽ ആപ്പ് വഴി (https://www.chargemod.com/) ചാർജിംഗും പെയ്മെന്റും നിർവ്വഹിക്കാൻ കഴിയുന്ന തരത്തിലാണ് സ്റ്റേഷൻ നിർമ്മിച്ചിട്ടുള്ളത്. ഒരു യൂണിറ്റ് ചാർജ് ചെയ്യുന്നതിന് നിലവിൽ 13 രൂപയും ജിഎസ്ടിയുമാണ് നിരക്ക്. ഈ പദ്ധതി പ്രകാരം കുന്നംകുളം മുൻസിപ്പാലിറ്റിക്ക് ഇ.വി ചാർജിങ് ചെയ്യുമ്പോൾ ഒരു യൂണിറ്റിന് ഒരു രൂപ നിരക്കിൽ വാടകയായി ലഭിക്കും.
ചടങ്ങിൽ നഗരസഭാ ചെയർപേഴ്സൺ സീത രവീന്ദ്രൻ അധ്യക്ഷയായി.സ്ഥിരം സമിതി അധ്യക്ഷന്മാരായ പി എം സുരേഷ്, ടി സോമശേഖരൻ , സജിനി പ്രേമൻ ,പി കെ ഷെബീർ, കൗൺസിലർ വിനോദ്, സെക്രട്ടറി വി എസ് സന്ദീപ് കുമാർ , ജനപ്രതിനിധികൾ തുടങ്ങിയവർ പങ്കെടുത്തു.വൈസ് ചെയർപേഴ്സൺ സൗമ്യ അനിലൽ സ്വാഗതവും ടെക്നിക്കൽ അസിസ്റ്റന്റ് സ്റ്റെഫി ആന്റണി നന്ദിയും പറഞ്ഞു.അനേർട്ട് ജില്ലാ എൻജിനീയർ കെ വി പ്രിയേഷ് റിപ്പോർട്ട് അവതരിപ്പിച്ചു.

സോളാർ കോൾഡ് സ്റ്റോറേജ് കർഷകർക്ക് ആശ്വാസകരമാകും: മന്ത്രി കെ കൃഷ്ണൻകുട്ടി... Read More