കെഎസ് യുഎമ്മിൽ രജിസ്റ്റർ ചെയ്തിട്ടുള്ള സ്റ്റാർട്ടപ്പുകൾക്ക് മെയ് ഒന്നു മുതൽ ഓൺലൈനായി അപേക്ഷിക്കാം

കേരളത്തിലെ സ്റ്റാർട്ടപ്പുകൾക്ക് രാജ്യത്തെ സർക്കാർ ഗവേഷണ സ്ഥാപനങ്ങളിൽ നിന്ന് ടെക്‌നോളജി ലൈസൻസ് വാങ്ങാൻ ചെലവായ തുക സംസ്ഥാന സർക്കാർ തിരികെ നല്കും. ടക്‌നോളജി ട്രാൻസ്ഫർ ആൻറ് കൊമേഴ്‌സ്യലൈസേഷൻ സപ്പോർട്ട് സ്‌കീമിലൂടെ 10 ലക്ഷം രൂപ വരെയാണ് സ്റ്റാർട്ടപ്പുകൾക്ക് ലഭ്യമാകുക. കെഎസ് യുഎമ്മിൽ രജിസ്റ്റർ ചെയ്തിട്ടുള്ള സ്റ്റാർട്ടപ്പുകൾക്ക് മെയ് ഒന്നു മുതൽ ഓൺലൈനായി അപേക്ഷിക്കാം.

ഇന്ത്യയിലെ ഏതെങ്കിലും ഗവൺമെന്റ് ഗവേഷണ സ്ഥാപനത്തിൽ നിന്ന് ടെക്‌നോളജി ലൈസൻസ് വാങ്ങിയിട്ടുള്ളതും, അതുപയോഗിച്ചു ഗവേഷണം നടത്തി ആ ടെക്‌നോളജി പ്രകാരം വാണിജ്യവൽക്കരിക്കാവുന്ന ഉൽപ്പന്നമായി വികസിപ്പിക്കാൻ ശ്രമിക്കുന്ന സ്റ്റാർട്ടപ്പുകൾക്കാണ് ഈ സ്‌കീം സഹായകമാകുക.   ഗവേഷണ സ്ഥാപനത്തിൽ പണമടച്ച സ്റ്റാർട്ടപ്പുകൾക്ക് റീഇംബേഴ്സ്മെന്റ് രൂപത്തിൽ പരമാവധി 10 ലക്ഷം രൂപ ധനസഹായം നൽകിക്കൊണ്ട് ടെക്നോളജി ലൈസൻസ്/ട്രാൻസ്ഫർ സ്റ്റാർട്ടപ്പുകളെ പിന്തുണയ്ക്കാൻ ഈ സ്‌കീം ഉദ്ദേശിക്കുന്നു.

തകരാർ പുന:സ്ഥാപിച്ചു: സംസ്ഥാനത്ത് റേഷൻ വിതരണം ഇന്നുമുതൽ... Read More

യോഗ്യതാ മാനദണ്ഡം

സ്റ്റാർട്ടപ്പ് കേരളത്തിൽ ഒരു എൽഎൽപി അല്ലെങ്കിൽ പ്രൈവറ്റ് ലിമിറ്റഡ് ആയി രജിസ്റ്റർ ചെയ്ത കമ്പനിയായിരിക്കണം. ലിമിറ്റഡ് കമ്പനിയും അപേക്ഷിക്കുന്ന സമയത്ത് KSUM-ൽ ഒരു സജീവ രജിസ്‌ട്രേഷൻ ഉണ്ടായിരിക്കണം
സ്റ്റാർട്ടപ്പ് കമ്പനിക്ക് ഡിഐപിപി രജിസ്‌ട്രേഷനും എംസിഎയിൽ 'ആക്ടീവ്'/ 'ആക്ടീവ് കംപ്ലയന്റ്' സ്റ്റാറ്റസും ഉണ്ടാകണം.
സ്റ്റാർട്ടപ്പുകൾക്ക് ഏതെങ്കിലും സർക്കാർ ഏജൻസികൾ, കെഎസ്യുഎം, സംസ്ഥാനത്തെ മറ്റ് ഇൻകുബേറ്ററുകൾ എന്നിവയിൽ തീർപ്പുകൽപ്പിക്കാത്ത മറ്റ് കുടിശ്ശികകളൊന്നും ഉണ്ടാകാൻ പാടില്ല. , കൂടാതെ ഒരു ഗവൺമെന്റും കരിമ്പട്ടികയിൽ പെടുത്തിയിട്ടുള കമ്പനിയും ആകരുത്

.പദ്ധതിയുടെ പ്രയോജനങ്ങൾ

സ്റ്റാർട്ടപ്പുകൾക്കുള്ള ടെക്‌നോളജി ലൈസൻസ് / ട്രാൻസ്ഫർ പിന്തുണ പരമാവധി 10 ലക്ഷം രൂപ ആയിരിക്കും. എന്നിരുന്നാലും, ഗവേഷണ സ്ഥാപനത്തിന് നൽകേണ്ട സാങ്കേതിക ഫീസിന്റെ 90% വരെ പിന്തുണ പരിമിതപ്പെടുത്തിയിരിക്കുന്നു.