സെയിൽസ്മാൻമാർ എപ്പോഴും ശീലിക്കേണ്ട ചില കാര്യങ്ങളെക്കുറിച്ചാണ് ഇന്ന് ഇവിടെ സൂചിപ്പിക്കുന്നത്.

• തനിക്ക് എന്താണ് വേണ്ടതെന്ന് തിരിച്ചറിയുകയും അത് പറയുകയും വേണം.
• ഒരു കാരണവശാലും നീട്ടി വയ്ക്കൽ അല്ലെങ്കിൽ ഒഴിവ് കഴിവുകൾ പറയുന്ന സ്വഭാവം ഉണ്ടാകരുത്.
• എപ്പോഴും സെയിൽസുമായി ബന്ധപ്പെട്ട അറിവുകൾ സമ്പാദിച്ചുകൊണ്ടിരിക്കണം.
• എപ്പോഴും പ്രശ്നങ്ങളെ നേരിടുവാനുള്ള കഴിവുണ്ടാകണം. പ്രശ്നങ്ങൾ മറ്റൊരാൾ കാരണമാണ് ഉണ്ടായത് എന്ന് പറഞ്ഞ് ഒഴിവ് കഴിവുകൾ പറയുന്ന സ്വഭാവം ഉണ്ടാകരുത്.
• സെയിൽസിൽ തടസ്സങ്ങൾ വരുന്ന സമയത്ത് വ്യക്തമായ പദ്ധതികൾ തയ്യാറാക്കി കൊണ്ടിരിക്കണം.
• ആത്മസംതൃപ്തി ഇല്ലാത്ത ഒരാൾക്ക് നല്ല സെയിൽസ്മാൻ ആകാൻ സാധിക്കില്ല. അങ്ങനെയുള്ളവർ ഏത് കാര്യം ചെയ്താലും പരാജയപ്പെടും.
• ഏത് കാര്യത്തിലും, ഏതൊരു ജോലിയിലും എതിർപ്പുകൾ ഉണ്ടാകും. ഇതിനെ നേരിടുവാനുള്ള കഴിവ് ഉണ്ടാവുക.
• എന്തെങ്കിലും പ്രശ്നമുണ്ടാകുമ്പോൾ ആവശ്യത്തിനും, അനാവശ്യത്തിനും മറ്റുള്ളവരെ കുറ്റപ്പെടുത്താതിരിക്കുക.
• എന്തെങ്കിലും ചെറിയ വീഴ്ചകൾ ഉണ്ടാകുമ്പോൾ ആ വീഴ്ചയെ ചുറ്റിപ്പറ്റി നിൽക്കാതെ അതിൽ നിന്നും എങ്ങനെ മോചനം നേടാമെന്ന് ചിന്തിക്കണം.
• സെയിൽസ് ചെയ്യുവാൻ വേണ്ടി വ്യക്തമായ ഒരു പദ്ധതിയും പ്ലാനും ഉണ്ടാകണം. ആ പദ്ധതികൾ എഴുതിവച്ച് പ്രവർത്തിക്കാൻ ശ്രമിക്കണം.
• സെയിൽസ്മാൻമാർക്ക് മികച്ച അവസരങ്ങൾ വരുമ്പോൾ അത് ഏറ്റെടുക്കാനുള്ള കഴിവ് ഉണ്ടാകണം. ഒരു ടാസ്ക് വരുമ്പോൾ അതിൽ നിന്നും മാറി നിൽക്കാതെ അത് ഏറ്റെടുക്കാനുള്ള മനക്കരുത്ത് ഉണ്ടാക്കണം.
• ഏതൊരു കാര്യവും താല്പര്യത്തോടുകൂടി ചെയ്യുക അതൊരു അഭിനയമാകരുത്.
• സമ്പത്ത് വളരെ പ്രധാനപ്പെട്ട കാര്യമാണ്. ജോലിയിലെ പാഷനോടൊപ്പം തന്നെ സമ്പത്തിനെയും സുസ്ഥിരപ്പെടുത്തുവാനുള്ള കഴിവ് നിങ്ങൾക്കില്ല എങ്കിൽ പല കാര്യങ്ങളും ജീവിതത്തിൽ ചെയ്യാൻ സാധിക്കില്ല. അതുകൊണ്ട് സമ്പത്ത് സ്വരൂപിക്കാനുള്ള കഴിവ് ഉണ്ടാക്കുക.
• മറ്റുള്ളവർ വിമർശിക്കുമ്പോൾ അത് ഒരു വൈകാരിക പ്രശ്നമായി മാറ്റാതിരിക്കുക.സെയിൽസ് രംഗത്ത് പ്രവർത്തിക്കുന്നവർക്ക് ഉണ്ടാകേണ്ട ഏറ്റവും വലിയ ഗുണമാണിത്. വിമർശനം സെയിൽസിന്റെ ഭാഗമാണ്.കസ്റ്റമറുടെ ഭാഗത്ത് നിന്നു നിങ്ങളുടെ ഉയർന്ന ഉദ്യോഗസ്ഥരുടെ ഭാഗത്തുനിന്നോ വിമർശനങ്ങൾ ഉണ്ടാകാം. ആ വിമർശനത്തിനെ സമചിത്തതയോടു കൂടിയും അതുതന്നെ ബാധിക്കുന്ന കാര്യമല്ല എന്ന്,അത് അവരുടെ അഭിപ്രായമാണെന്ന് മനസ്സിലാക്കിക്കൊണ്ട് എന്താണ് തന്റെ തെറ്റ് എന്ന് മനസ്സിലാക്കി അത് തിരുത്തുവാനുള്ള മനസ്സ് ഉണ്ടാവുക.

സെയിൽസിനെക്കുറിച്ചുള്ള ടിപ്പുകൾ ദിവസവും ലഭിക്കുവാൻ ഈ പോർട്ടൽ ഫോളോ ചെയ്യുക.

കസ്റ്റമർ സെയിൽസ്മാന്മാരിൽ നിന്നും ഇഷ്ടപ്പെടാത്ത പ്രവൃത്തികൾ എന്തെല്ലാം?... Read More