പങ്കെടുക്കാൻ താൽപര്യമുളള പ്രവാസിസംരംഭകർ രജിസ്റ്റർ ചെയ്യേണ്ടതാണ്

നാട്ടിൽ തിരിച്ചെത്തിയ പ്രവാസികൾ കേരളത്തിന് അന്യരല്ല. അവർക്കും സംരംഭങ്ങൾ തുടങ്ങാൻ സാധ്യതകളുണ്ട്, അവസരങ്ങളുണ്ട് ഇവിടെയും. തിരിച്ചെത്തിയ പ്രവാസികളുടെ പുനരധിവാസത്തിനായി  നോർക്ക റൂട്ട്‌സ് വഴി നടപ്പിലാക്കുന്ന നോർക്ക ഡിപ്പാർട്ട്‌മെന്റ് പ്രൊജക്ട് ഫോർ റീട്ടെൻഡ് എമിഗ്രൻറ് (NDPREM) പദ്ധതി പ്രകാരമാണ് പ്രവാസികൾക്കായുളള സംരംഭക സഹായം.

രണ്ട് വർഷമെങ്കിലും വിദേശരാജ്യത്ത് ജോലിചെയ്ത ശേഷം സ്ഥിരമായി നാട്ടിൽ മടങ്ങിയെത്തിയവർക്കാണ് അപേക്ഷിക്കാൻ കഴിയുക. തിരിച്ചെത്തിയ പ്രവാസികൾക്ക് സംരംഭങ്ങൾ തുടങ്ങുന്നതിനായി നോർക്ക റൂട്ട്‌സിന്റെ നേതൃത്വത്തിൽ കണ്ണൂർ ജില്ലയിലെ തളിപ്പറമ്പിൽ ഫെബ്രുവരി 18 ശനിയാഴ്ച പ്രവാസി ലോൺ മേള സംഘടിപ്പിക്കുന്നു.  

ക്ഷീരകര്‍ഷകര്‍ക്ക് ഫാം ലൈസന്‍സിന് ഏകജാലക സംവിധാനം ... Read More

NDPREM പദ്ധതിയുടെ ഭാഗമായ 16 ബാങ്കിങ്ങ് ധനകാര്യസ്ഥാപനങ്ങൾ വഴി സംരംഭക ലോൺ ലഭിക്കാൻ മേളയിൽ അവസരമുണ്ടാകും. പ്രവാസി സംരംഭങ്ങൾക്ക് ഒരു ലക്ഷം രൂപ മുതൽ പരമാവധി 30 ലക്ഷം രൂപ വരെയുളള വായ്പകളാണ് എൻ.ഡി.പി.ആർ.ഇ.എം പദ്ധതി പ്രകാരം അനുവദിക്കുക. കൃത്യമായ വായ്പാ തിരിച്ചടവിന് 15 ശതമാനം മൂലധന സബ്സിഡിയും (പരമാവധി മൂന്നു ലക്ഷം രൂപ വരെ) 3 ശതമാനം പലിശ സബ്സിഡിയും (ആദ്യത്തെ നാലു വർഷം) പദ്ധതി വഴി സംരംഭകർക്ക് ലഭിക്കും. പ്രവാസി കൂട്ടായ്മകൾ, പ്രവാസികൾ ചേർന്ന് രൂപീകരിച്ച കമ്പനികൾ, സൈാസൈറ്റികൾ എന്നിവർക്കും എൻ.ഡി.പി.ആർ.ഇ.എം പദ്ധതി വഴി അപേക്ഷിക്കാൻ അർഹതയുണ്ട്.

പങ്കെടുക്കാൻ താൽപര്യമുളള പ്രവാസിസംരംഭകർ നോർക്ക റൂട്ട്‌സ് ഔദ്യോഗിക വെബ്ബ്‌സൈറ്റായ www.norkaroots.org വഴി രജിസ്റ്റർ ചെയ്യേണ്ടതാണ്. ലോൺമേള നടക്കുന്ന 18 ന് രാവിലെ 10 മണിമുതൽ നേരിട്ടും രജിസ്റ്റർ ചെയ്തു പങ്കെടുക്കുവാൻ അവസരമുണ്ട്. നേരത്തേ രജിസ്റ്റർ ചെയ്തവർക്ക് മുൻഗണന ലഭിക്കും

ഒരു വർഷം ഒരു ലക്ഷം സംരംഭം ജില്ലയിൽ തുടങ്ങിയത് 11636 സംരംഭങ്ങൾ, 25553 പേർക്ക് തൊഴിൽ 616.82 കോടിയുടെ നിക്ഷേപം പാലക്കാട് ജില്ല സംസ്ഥാനത്ത് എഴാമത്... Read More

രണ്ടു വർഷത്തിൽ കൂടുതൽ വിദേശത്തു ജോലിചെയ്തു എന്ന് തെളിയിക്കുന്ന പാസ്സ്പോർട്ട് കോപ്പിയും, രണ്ട് പാസ്‌പോർട്ട് സൈസ് ഫോട്ടോയും ആധാർ,പാൻകാർഡ്, ഇലക്ഷൻ തിരിച്ചറിയൽ കാർഡ് /റേഷൻ കാർഡ്, പദ്ധതി വിശദീകരണം, പദ്ധതിക്കാവശ്യമായ മറ്റു രേഖകൾ സഹിതം  പങ്കെടുക്കാവുന്നതാണ്.  

കൂടുതൽ വിവരങ്ങൾക്ക് 24 മണിക്കൂറും പ്രവർത്തിക്കുന്ന നോർക്ക ഗ്ലോബൽ കോൺടാക്ട് സെന്ററിന്റെ ടോൾ ഫ്രീ നമ്പറുകളായ 1800 425 3939 (ഇന്ത്യയിൽ നിന്നും) +91-8802 012 345 (വിദേശത്തുനിന്നും, മിസ്സ്ഡ് കോൾ സർവ്വീസ്) അല്ലെങ്കിൽ നോർക്ക റൂട്ട്സ് ഹെഡ്ഡോഫീസ് 0471-2770500 (പ്രവ്യത്തി ദിവസങ്ങളിൽ, ഓഫീസ് സമയത്ത്) ബന്ധപ്പെടാവുന്നതാണ്.