എന്നാല്‍ ചാടി കേറി ചെയ്യാന്‍ പറ്റുന്ന ഒന്നല്ല ഇത്

പല ആളുകളും ആദായം നേടുന്നതിനായി പല വഴികളുമാണ് തേടുന്നത്. എന്നാല്‍ ശാരീരികമായ കുറച്ച് അധ്വാനിക്കാനും മൃഗങ്ങള്‍ക്ക് സ്‌നേഹവും സാന്ത്വനവും നല്‍കാനും നിങ്ങള്‍ക്ക് സാധിക്കുമെങ്കില്‍ ഈ കാര്‍ഷിക സംരംഭത്തിലൂടെ നിങ്ങള്‍ക്ക് വളര്‍ച്ചയുണ്ടാക്കാം. മികച്ച വരുമാനം നേടാവുന്ന കൃഷി രീതിയാണ് ആടു വളര്‍ത്തല്‍. എന്നാല്‍ ചാടി കേറി ചെയ്യാന്‍ പറ്റുന്ന ഒന്നല്ല ഇത്. ആട് വളര്‍ത്തലിന് ശ്രദ്ധ വളരെയേറെ ആവശ്യമാണ്. ആടു വളര്‍ത്തല്‍ ആരംഭിക്കുന്നതിന് മുമ്പ് പ്രധാനമായും ശ്രദ്ധിക്കേണ്ട ചില കാര്യങ്ങള്‍ മനസിലാക്കാം.

പണം വാരാം മണ്ണില്‍ വിളയുന്ന പൊന്നിലൂടെ ... Read More

1. ആദ്യമായി തന്നെ ആടു വളര്‍ത്തല്‍ സംരംഭംഒരു പ്രജനന യൂണിറ്റായി തുടങ്ങുക. ഒരു യൂണിറ്റില്‍ 19 പെണ്ണാടുകള്‍,1 മുട്ടനാട്, ആകെ 20 ആടുകള്‍ ഉണ്ടാകും. 
2. 6 മുതല്‍ 8 മാസം പ്രായമുള്ള വര്‍ഗ്ഗ ഗുണമേന്മ യുള്ള 19 മലബാറി പെണ്ണാടുകളെയും രക്തബന്ധം ഇല്ലാത്തതും ഗുണമേന്മയുള്ളതുമായ ഒരു മുട്ടന്‍ ആടിനെയും വാങ്ങി ഇന്‍ഷുറന്‍സ് ചെയ്യുക.
3. ഇവയ്ക്കു വിരമരുന്നു  നല്‍കി ആടു വസന്ത. കുരളടപ്പന്‍ എന്നീ പ്രതിരോധ കുത്തിവയ്പുകള്‍ നല്‍കി 21 ദിവസം ക്വാറന്റൈന്‍ നല്‍കി വേണം ഫാമില്‍ പ്രവേശിപ്പിക്കുന്നത്.
4. 240 ചതുരശ്ര അടി വിസ്താരം ഉള്ള ഒരു കൂടു നിര്‍മിക്കാന്‍  400 രൂപ നിരക്കില്‍ 1 ലക്ഷം രൂപ വേണ്ടി വരും .പെണ്ണാടിനു 10 ചതുരശ്ര അടി, മുട്ടനാടിനു 20 ചതുരശ്ര അടി, കുട്ടികള്‍ക്ക് 1 ചതുരശ്ര അടി സ്ഥല വിസ്തീര്‍ണം വേണ്ടിവരും
5. മൂന്നു ലക്ഷം രൂപയും 50 സെന്റ് സ്ഥലവും വേണ്ടി വരുന്ന ഒരു സംരംഭം ആണിത്.

സന്തോഷവും ഒപ്പം കീശനിറയെ പണവും; അലങ്കാര പ്രാവുകള്‍ കേരളത്തിന്റെ പുതിയ താരങ്ങള്‍ ... Read More

6. 20 ആടില്‍ കുറവായത് കൊണ്ടു പഞ്ചായത്തു ലൈസന്‍സ് വേണ്ട. ഒപ്പം വൈദ്യതി കണക്ഷനും വേണ്ട. ഒരു ദിവസം 40 ലിറ്റര്‍ വെള്ളവും മതിയാകും. പ്രത്യേകിച്ചു  ജോലിക്കാരെ വേണ്ടതില്ല
7. 19 പെണ്ണാടുകളെ ബ്രീഡ് ചെയ്യാനായി ഈ മുട്ടാനാടിനെ ഉപയോഗിക്കാം. അവയ്ക്കുണ്ടാകുന്ന മുഴുവന്‍ കുട്ടികളെയും 3 മാസം എത്തുമ്പോള്‍ വില്‍ക്കണം. ഈ സംരംഭത്തിലൂടെ ഒരു വര്‍ഷം 38 ആട്ടിന്‍ കുട്ടികളെ വില്‍ക്കാന്‍ കഴിയും.
8. 10 കിലോ തൂക്കം വരുന്ന 3 മാസം പ്രായത്തില്‍ 350 രൂപ നിരക്കില്‍ 10 കുട്ടികളുടെ വില്പനയിലൂടെ 1.33 ലക്ഷം രൂപ വരുമാനമായി ലഭിക്കും. 3 വര്‍ഷം കൊണ്ടു പ്രോജക്ട് ബ്രേക്ക് ഇവന്‍ ആവുകയും ചെയ്യും.
9. നല്ലയിനം ആട്ടിന്‍ കുട്ടികളെ അന്ത പ്രജനനം ഒഴിവാക്കി പ്രാദേശികമായി ഉല്പാദിപ്പിക്കുന്ന അംഗീകൃത ആടു വളര്‍ത്തല്‍ യൂണിറ്റായി ഈ സംരംഭത്തെ മാറ്റം.
10. ഇടനിലക്കാരുടെ ചൂഷണം ഒഴിവാക്കി ഗുണമേന്മയുള്ള ആട്ടിന്‍ കുട്ടികളുടെ വിപണനകേന്ദ്രം ആയി ലാഭകരമായി പ്രവര്‍ത്തിക്കാം.