ഇന്ന് ബിസിനസ്സ് ലോകം ഡിജിറ്റൽ മാറ്റത്തിന്റെ വഴി പാകുന്നു. വലിയ കമ്പനികളോ ചെറുകിട സംരംഭങ്ങളോ എന്നതല്ല, എല്ലാ ബിസിനസിനും ഓൺലൈൻ മാർക്കറ്റിംഗ് ഒരു അനിവാര്യതയായി മാറിയിരിക്കുന്നു. ചെറുകിട സംരംഭങ്ങൾക്കും ഡിജിറ്റൽ മാർക്കറ്റിംഗ് വലിയ രീതിയിൽ വളർച്ച നേടാൻ സഹായിക്കുന്നുണ്ട്.

ഡിജിറ്റൽ മാർക്കറ്റിംഗ് ചെറു സംരംഭങ്ങൾക്ക് ഏതൊക്കെ വിധം സഹായകരമാകുമെന്ന് നോക്കാം

കുറഞ്ഞ ചെലവിൽ കൂടുതൽ ഫലം

ചെറിയ ബിസിനസുകൾക്ക് പരമ്പരാഗത മാർക്കറ്റിംഗ് (പത്രം, റേഡിയോ, ടിവി) വളരെ ചെലവേറിയതാവാം. എന്നാൽ ഡിജിറ്റൽ മാർക്കറ്റിംഗിലൂടെ കുറച്ച് ബജറ്റിൽ പോലും ലക്ഷ്യ ബുദ്ധിയോടെ ഉപഭോക്താക്കളെ കണ്ടെത്താം. ഫെസ്ബുക്ക്, ഇൻസ്റ്റാഗ്രാം, ഗൂഗിൾ ആഡ്സ് എന്നിവയിലൂടെ നിശ്ചിത പ്രായം, സ്ഥലം, താൽപര്യം എന്നിവയുടെ അടിസ്ഥാനത്തിൽ കൃത്യമായ ഓഡിയൻസ് തിരഞ്ഞെടുക്കാൻ കഴിയുന്നതിലൂടെ കൂടതൽ റിസൾട്ട് ഉറപ്പാക്കാൻ കഴിയും.

ബ്രാൻഡ് ബിൽഡിംഗിന് അനായാസ മാർഗം

ഓൺലൈൻ പ്ലാറ്റ്ഫോമുകളിലൂടെയും വെബ്സൈറ്റിലൂടെയും ഒരു ചെറുകിട ബിസിനസ്സ് തന്നെ ഒരു 'ബ്രാൻഡ്' ആക്കാൻ കഴിയുന്ന കാലമാണ്. സ്ഥിരതയുള്ള സോഷ്യൽ മീഡിയ പോസ്റ്റുകൾ, ബ്ലോഗുകൾ, വീഡിയോ മാർക്കറ്റിംഗ് എന്നിവ ഉപയോഗിച്ച് ഉപഭോക്താക്കളുമായി നിരന്തരം ബന്ധം പുലർത്തുന്നതിലൂടെ ഉപഭോക്താക്കളുടെ ഇടിയിൽ നിങ്ങൾക്ക് ഒരു ബ്രാന്റായി മാറാൻ കഴിയും.

കസ്റ്റമർ എങ്ങേജ്മെന്റ് കൂടുതൽ

ഡിജിറ്റൽ മാർക്കറ്റിംഗിൽ ഉപഭോക്താക്കളുമായി നേരിട്ട് ആശയവിനിമയം നടത്താൻ സാധിക്കും. ഒരു പോസ്റ്റ്ക്കുള്ള കമന്റുകൾ, മെസേജുകൾ, റിവ്യൂകൾ എന്നിവയിലൂടെ ഉപഭോക്താക്കളെ കൂടുതൽ ഇംപ്രസ് ചെയ്യാം. ഇത് വിപണിയിലെ വിശ്വാസ്യതയും ബിസിനസിന്റെ വിശാലതയും വർദ്ധിപ്പിക്കും.

മികച്ച ബിസിനസ് അവസരങ്ങൾ തിരിച്ചറിയുന്നതിനുള്ള കഴിവുകൾ... Read More

ഫലപ്രദമായ ഡാറ്റയും അനലിറ്റിക്സും

ഡിജിറ്റൽ മാർക്കറ്റിംഗിന്റെ ഏറ്റവും വലിയ നേട്ടങ്ങളിൽ ഒന്നാണ് മെഷറബിൾ റിസൾട്ട്. നിങ്ങൾ ഒരു കാമ്പെയ്ൻ നടത്തുമ്പോൾ, അതിന്റെ ഫലങ്ങൾ ഗൂഗിൾ അനലിറ്റിക്സ് പോലുള്ള ടൂളുകൾ വഴി പരിശോധിക്കാം. എന്താണ് പ്രവർത്തിക്കുന്നത്, എന്താണ് മെച്ചപ്പെടുത്തേണ്ടത് എന്നതിന്റെ കൃത്യമായ കണക്കുകൾ ഇതിലൂടെ ലഭിക്കും.

ലോകവ്യാപക വിപണന സാധ്യത

ഒരു ചെറിയ കഫെയോ, ഹാൻഡ്മേഡ് ഉൽപ്പന്നങ്ങൾ വിൽക്കുന്ന സ്റ്റോറോ തുടങ്ങി എന്തു ബിസിനസുമായിക്കൊള്ളട്ടെ അത് നിങ്ങളുടെ നഗരത്തിൽ മാത്രമൊതുങ്ങാതെ ഡിജിറ്റൽ മാർക്കറ്റിംഗിലൂടെ ലോകവ്യാപകമായി ഉപഭോക്താക്കളെ കണ്ടെത്താനും നിങ്ങളുടെ ഉൽപ്പന്നം വിപണിയിൽ എത്തിക്കാനും ഡിജിറ്റൽ മാർക്കറ്റിങ്ങിലൂടെ കഴിയുന്ന കാലമാണിത്.

ചെറുകിട സംരംഭങ്ങൾക്ക് ഇന്ന് ഡിജിറ്റൽ മാർക്കറ്റിംഗ് ഒരു ഉപാധിയല്ല, അതു നിർബന്ധമായ ഘടകമാണ്. കുറഞ്ഞ ചെലവിൽ ഉയർന്ന ലാഭം നേടാൻ ഡിജിറ്റൽ മാർക്കറ്റിംഗ് തന്ത്രങ്ങളിലൂടെ സാധിക്കുന്നതാണ്. ഇന്ന് തന്നെ നിങ്ങളുടെ ബിസിനസിൽ ഡിജിറ്റൽ മാർക്കറ്റിംഗ് തുടങ്ങുന്നതിലൂടെ നിങ്ങളുടെ വളർച്ചയ്ക്ക് പുതിയ വാതിലുകൾ തുറക്കാം!

ചെറുകിട സംരംഭകർക്കും സംരംഭം ആരംഭിക്കാൻ ഉദ്ദേശിക്കുന്നവർക്കുമുള്ള ടിപ്പുകൾ നിരന്തരം ലഭിക്കുവാൻ വേണ്ടി ഞങ്ങളെ ഫോളോ ചെയ്യുക.