സുഗമമാക്കാൻ സഹായിക്കുന്നത് നാഷണൽ ഓട്ടോമേറ്റഡ് ക്ലിയറിങ് ഹൗസ് ആണ്

ഈ ദിവസങ്ങളിൽ ഇടപാട് നടത്താതെ തന്നെ 295 രൂപ സേവിങ്സ് അക്കൗണ്ടിൽ നിന്ന് ഡെബിറ്റ് ചെയ്തതായി സോഷ്യൽമീഡിയയിൽ അടക്കം നിരവധി എസ്ബിഐ അക്കൗണ്ട് ഉടമകളുടെ പരാതി പ്രവാഹം. അക്കൗണ്ടിൽ നിന്ന് ഡെബിറ്റ് ചെയ്തത് തിരിച്ച് ക്രെഡിറ്റ് ചെയ്തില്ലെന്നും പാസ്ബുക്കിലും ബാങ്ക് സ്റ്റേറ്റ്മെന്റിലും ഡെബിറ്റ് ചെയ്തതായി കാണിച്ചിട്ടുണ്ടെന്നുമാണ് പരാതിയിൽ പറയുന്നത്. 

യഥാർഥത്തിൽ ഇഎംഐ അടയ്ക്കുന്നതിന് ആവശ്യമായ തുക അക്കൗണ്ടിൽ നിലനിർത്തുന്നതിൽ വീഴ്ച വരുത്തിയതിനുള്ള പിഴയാണ് ഈ തുക. മുൻകൂട്ടി നിശ്ചയിച്ച സമയത്ത് പതിവായി അടച്ചുപോകുന്ന ഇഎംഐ സംവിധാനം സുഗമമാക്കാൻ സഹായിക്കുന്നത് നാഷണൽ ഓട്ടോമേറ്റഡ് ക്ലിയറിങ് ഹൗസ് ആണ്. ഇഎംഐയ്ക്കായി അക്കൗണ്ടിൽ നിന്ന് ഓട്ടോമാറ്റാക്കായി പണം ഡെബിറ്റ് ചെയ്യാൻ സഹായിക്കുന്നതാണ് ഇതിന്റെ കടമ.

ബോളിവുഡ് താരങ്ങളുടെ അടക്കം പേരിൽ വ്യാജ ക്രെഡിറ്റ് കാർഡ്, 21 ലക്ഷത്തിന്റെ ഷോപ്പിങ്, അറസ്റ്റ്... Read More

വായ്പയോ ഇഎംഐയോ എടുക്കുമ്പോൾ മുൻകൂട്ടി നിശ്ചയിച്ച സമയത്ത് പതിവായി  സേവിങ്സ് അക്കൗണ്ടിൽ നിന്ന് തുക ഡെബിറ്റ് ചെയ്യുകയാണ് ചെയ്യുന്നത്. ഇഎംഐയ്ക്കായി അക്കൗണ്ടിൽ മതിയായ തുക കരുതേണ്ടത് അത്യാവശ്യമാണ്. ഇഎംഐ പിടിക്കുന്ന ദിവസത്തിന് മുൻപ് തന്നെ അക്കൗണ്ടിൽ ആവശ്യത്തിന് പണം ഉണ്ടെന്ന് ഉറപ്പുവരുത്തുകയാണ് വേണ്ടത്. ഉദാഹരണമായി അഞ്ചിനാണ് ഇഎംഐ തീയതിയെങ്കിൽ നാലിന് തന്നെ ആവശ്യത്തിന് പണം അക്കൗണ്ടിൽ കരുതണം എന്ന് സാരം.

ഇതിൽ വീഴ്ച വരുത്തുമ്പോൾ പിഴയായി 250 രൂപയാണ് ഈടാക്കുന്നത്. ഇതിന് പുറമേ 18 ശതമാനം ജിഎസ്ടി കൂടി ചേരുമ്പോൾ വരുന്ന 295 രൂപയാണ് അക്കൗണ്ടിൽ നിന്ന് ഡെബിറ്റ് ചെയ്തിരിക്കുന്നത്. ഇഎംഐ മാനഡേറ്റ് ബൗൺസായതിന് പിഴയായാണ് തുക ചുമത്തിയിരിക്കുന്നത്.