ഉത്പാദന മേഖലയിൽ സഹകരണ മേഖല വലിയ പുരോഗതി കൈവരിച്ചു

ഉത്പാദന മേഖലയിൽ വലിയ പുരോഗതി കൈവരിക്കുന്ന മേഖലയായി സഹകരണ മേഖല മാറിയതായി രജിസ്ട്രേഷൻ സഹകരണ വകുപ്പ് മന്ത്രി വി.എൻ വാസവൻ. സംസ്ഥാനത്ത് ഉടനീളം നടക്കുന്ന സഹകരണ എക്സ്പോകളുടെ വിജയം ഇതിന്റെ തെളിവാണെന്നും അദ്ദേഹം പറഞ്ഞു. സഹകരണ സംഘ (മൂന്നാം ഭേദഗതി) ബിൽ - സെലക്റ്റ് കമ്മിറ്റി സിറ്റിംഗ് ആമുഖ പ്രസംഗത്തിൽ സംസാരിക്കുകയായിരുന്നു മന്ത്രി.

നിർമ്മാണം, ആതുര സേവനം, വിദ്യാഭ്യാസം തുടങ്ങി സമസ്ത മേഖലകളിലും പുരോഗതി കൈവരിച്ചു കഴിഞ്ഞു. ഇത് ശരിവെക്കുന്നതാണ് സഹകരണ സംഘത്തിന് ലഭിച്ച നിരവധി ദേശീയ അന്തർദേശീയ അംഗീകാരങ്ങൾ. കുറ്റമറ്റരീതിയിൽ നിയമപരമായ പരിരക്ഷ സഹകരണമേഖലയ്ക്ക് അത്യാവശ്യമായി വന്ന പശ്ചാത്തലത്തിലാണ് സമഗ്രമായ നിയമഭേദഗതി കരട് നിർദേശം മുന്നോട്ട് വച്ചതെന്നും അദ്ദേഹം പറഞ്ഞു.

സഹകരണ എക്‌സ്‌പോ വേദിയിൽ ലോഞ്ച് ചെയ്തത് വൈവിധ്യമാർന്ന ഉല്പന്നങ്ങൾ... Read More

അത്തോളിയിൽ നടന്ന കേരള സഹകരണ സംഘ (മൂന്നാം ഭേദഗതി) ബിൽ - സെലക്റ്റ് കമ്മിറ്റി സിറ്റിങ്ങോടെ സംസ്ഥാനത്തെ മുഴുവൻ ജില്ലകളിലെയും സെലക്ട് കമ്മിറ്റി സിറ്റിംഗ് പൂർത്തീകരിച്ചതായും മന്ത്രി അറിയിച്ചു. സഹകരണ വകുപ്പ് സെക്രട്ടറി മിനി ആന്റണി റിപ്പോർട്ട് അവതരിപ്പിച്ചു.

സഹകരണ രജിസ്ട്രേഷൻ വകുപ്പ് മന്ത്രി ചെയർമാനായ സെലക്ട് കമ്മിറ്റി കോഴിക്കോട്, വയനാട് , മലപ്പുറം ജില്ലകളിലെ ജനപ്രതിനിധികൾ, സഹകാരികൾ, സഹകരണ സംഘങ്ങളിലെ ജീവനക്കാർ, സഹകരണ സംഘങ്ങളിലെ ബോർഡ് അംഗങ്ങൾ എന്നിവരിൽ നിന്നും ബില്ലിലെ വ്യവസ്ഥകളിന്മേൽ അഭിപ്രായങ്ങളും നിർദ്ദേശങ്ങളും സ്വീകരിച്ചു.

2022-ലെ കേരള സഹകരണ സംഘ (മൂന്നാം ഭേദഗതി) ബില്ലും ഇതു സംബന്ധിച്ച ചോദ്യാവലിയും നിയമസഭാ വെബ്സൈറ്റിൽ www.niyamasabha.org ലഭിക്കും. ബില്ലിലെ വ്യവസ്ഥകളിന്മേൽ നിർദ്ദേശങ്ങളും അഭിപ്രായങ്ങളും സമർപ്പിക്കുവാൻ താൽപര്യമുളളവർക്ക് യോഗത്തിൽ നേരിട്ടോ രേഖാമൂലമോ നിർദ്ദേശങ്ങളും അഭിപ്രായങ്ങളും സമർപ്പിക്കാം. കൂടാതെ നിർദ്ദേശങ്ങളും അഭിപ്രായങ്ങളും രേഖാമൂലമോ ഇ മെയിലായോ (legislation.kla@gmail.com) സമിതി ചെയർമാനോ നിയമസഭാ സെക്രട്ടറിക്കോ അയച്ചു കൊടുക്കാവുന്നതുമാണ്.

സെലക്റ്റ് കമ്മിറ്റി അംഗങ്ങളായ എം.എൽ.എമാർ, മറ്റു ജനപ്രതിനിധികൾ, നിയമസഭാ സമിതി ഉദ്യോഗസ്ഥർ, സഹകരണ വകുപ്പ് ഉദ്യോഗസ്ഥർ തുടങ്ങിയവർ പങ്കെടുത്തു.

ഉല്പാദന മേഖലയിലെ മുന്നേറ്റത്തിന് ശക്തി പകരാൻ സഹകരണ പ്രസ്ഥാനങ്ങൾക്ക് സാധിക്കും: മന്ത്രി പി രാജീവ്... Read More