- Trending Now:
- Cough syrups
- Wipro
- syrup
1984-നും 2002-നും ഇടയില് ആണ് എച്ച്എം കോണ്ടെസ ഇന്ത്യയില് വിറ്റഴിച്ചിരുന്നത്.ഒരു കാലത്ത് ഇന്ത്യന് നിരത്തുകളില് തരംഗമായ വാഹനത്തിന്റെ ബ്രാന്ഡ് നാമം മാറ്റുന്നതിനെ പറ്റി ഉള്ള വാര്ത്തകള് വരുന്നതിന് പിന്നാലെയാണ് വാഹനത്തിന്റെ ഇവി പതുപ്പിനെ പറ്റി ഉള്ള വാര്ത്തകള് വരുന്നത്. ഹിന്ദുസ്ഥാന് മോട്ടോഴ്സ് കോണ്ടസ്സ ബ്രാന്ഡ് നാമം ഗുഡ്ഗാവ് ആസ്ഥാനമായുള്ള എസ്ജി കോര്പ്പറേറ്റ് മൊബിലിറ്റിക്ക് ഈ വര്ഷം മെയ് 23 ന് കൈമാറി.
ഐക്കണിക് ബ്രാന്ഡിനെ ഇലക്ട്രിക് വാഹനമായി തിരികെ കൊണ്ടുവരാന് ഉദ്ദേശിക്കുന്ന പിഎസ്എ ഗ്രൂപ്പിന് അംബാസഡര് ബ്രാന്ഡിന്റെ അവകാശങ്ങളും പേറ്റന്റുകളും ബ്രാന്ഡ് നേരത്തെ വിറ്റിരുന്നു., 'സ്പിരിറ്റ് ഓഫ് അംബാസഡര്' എന്ന പേരും രജിസ്റ്റര് ചെയ്തിട്ടുണ്ട് എന്ന വസ്തുത കണക്കിലെടുക്കുമ്പോള് എച്ച്എമ്മിന് കോണ്ടെസയുമായി സമാനമായ പദ്ധതിയുണ്ടാകാം എന്ന് വാഹന പ്രേമികള് അഭിപ്രായപ്പെടുന്നു.
ബ്രാന്ഡ് ഇലക്ട്രിക് കാറുകളിലേക്ക് കടക്കാന് ഒരുങ്ങുകയാണെന്നും അവരുടെ പുതിയ ഉല്പ്പന്നത്തിന്റെ ദൃശ്യപരത മെച്ചപ്പെടുത്തുന്നതിന് കോണ്ടസ്സ ബ്രാന്ഡ് നാമത്തിന്റെ വ്യാപകമായ ആകര്ഷണം ഉപയോഗിക്കുമെന്നും ഊഹിക്കാം. കോണ്ടസ്സ അതിന്റെ ഐക്കണിക് യൂറോ പോണി-കാര് സ്റ്റൈലിംഗ് നിലനിര്ത്തുമോ എന്നത് കണ്ടറിയേണ്ടിയിരിക്കുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ THE LOCAL ECONOMY ടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.