• നൂതനമായ ബിസിനസ് മോഡലുകളും 2022-23 സാമ്പത്തിക വർഷത്തിൽ 50 കോടി രൂപയിൽ കൂടുതൽ വാർഷിക വിറ്റുവരവ് ഇല്ലാത്തതുമായ സ്റ്റാർട്ട്അപ്പുകൾക്കും എംഎസ്എംഇകൾക്കും അപേക്ഷിക്കാം

ദേശീയം, 2024 ജൂൺ 11: മദ്രാസ് മാനേജ്മെന്റ് അസോസിയേഷനുമായി (എംഎംഎ) ചേർന്ന് കാവിൻകെയർ നൽകുന്ന 13-ാമത് ചിന്നികൃഷ്ണൻ ഇന്നൊവേഷൻ അവാർഡ് 2024-ലേക്ക് നാമനിർദ്ദേശങ്ങൾ ക്ഷണിച്ചു. 2022-23 സാമ്പത്തിക വർഷത്തിൽ 50 കോടി രൂപയിൽ കൂടാത്ത വാർഷിക വിറ്റുവരവുള്ള കമ്പനികൾക്ക് https://ckinnovationawards.in/ -ൽ അപേക്ഷിക്കാം അല്ലെങ്കിൽ +91 97899 60398-ൽ ഒരു മിസ്ഡ് കോൾ നൽകാം. നാമനിർദ്ദേശങ്ങൾ സമർപ്പിക്കാനുള്ള അവസാന തിയതി 2024 ജൂലൈ 8 ആണ്. പരേതനായ മിസ്റ്റർ ചിന്നികൃഷ്ണന്റെ നിർണായകമായ ഇന്നോവേഷനുകളെ സ്മരിക്കുന്ന ഈ അവാർഡ് സ്റ്റാർട്ടപ്പുകളേയും മധ്യ-വലിപ്പമുള്ള കമ്പനികളേയും അവരുടെ സവിശേഷമായതും പ്രഭാവം സൃഷ്ടിച്ചതുമായ ഇന്നോവേഷനേയും സമൂഹത്തിന് നൽകിയ ഗണ്യമായ സംഭാവനകളേയും അംഗീകരിക്കാൻ ലക്ഷ്യമിടുന്നു.

കാവിൻകെയർ-എംഎംഎ ചിന്നികൃഷ്ണൻ ഇന്നൊവേഷൻ അവാർഡ് അനന്യമായതും പ്രഭാവം സൃഷ്ടിക്കുന്നതുമായ ഉൽപന്നങ്ങൾ അല്ലെങ്കിൽ സേവനങ്ങളെ അംഗീകരിക്കുന്നതിനായി മൂന്ന് വ്യത്യസ്ത വിഭാഗങ്ങളിലായി സംരംഭകത്വ മികവിനെ ആഘോഷിക്കുന്നു. സവിശേഷത, വളരാനുള്ള കഴിവ്, സുസ്ഥിരത എന്നിവയ്ക്കൊപ്പം ഇന്നോവേഷനുകളുടെ സാമൂഹിക ഗുണങ്ങളിലും ഈ അവാർഡുകൾ ശ്രദ്ധകേന്ദ്രീകരിക്കുന്നു. വിജയികൾക്ക് 1 ലക്ഷം രൂപയുടെ കാഷ് സമ്മാനത്തിനൊപ്പം വിപണനം, ഫൈനാൻസ്, രൂപകൽപന, പാക്കേജിങ്, പേറ്റന്റ് അപേക്ഷ, ആർ&ഡി, മനുഷ്യ വിഭവശേഷി എന്നിവയിൽ സമഗ്രമായ പിന്തുണയും ലഭിക്കും.

മുത്തൂറ്റ് മിനി സെൻറ് മേരീസ് സ്നേഹാലയ ഓപ്പർച്ച്യൂണിറ്റി സ്കൂളുമായി സഹകരിക്കുന്നു... Read More

സാഷെ വിപ്ലവത്തിന്റെ പിതാവ് എന്ന് വിശേഷിപ്പിക്കുന്ന പരേതനായ ആർ. ചിന്നികൃഷ്ണന്റെ ഓർമ്മയ്ക്കായി കാവിൻകെയർ ഏർപ്പെടുത്തിയിട്ടുള്ള കാവിൻകെയർ-എംഎംഎ ചിന്നികൃഷ്ണൻ ഇന്നൊവേഷൻ അവാർഡ് വർഷം തോറും നൽകുന്നു. 2011-ൽ ശ്രീ ആർ. ചിന്നികൃഷ്ണന്റെ മകനായ മിസ്റ്റർ സി.കെ. രംഗനാഥൻ, കാവിൻകെയർ പ്രൈവറ്റ് ലിമിറ്റഡിന്റെ ചെയർമാനും മാനേജിങ് ഡയറക്ടറും, ഏർപ്പെടുത്തിയ കാവിൻകെയർ-എംഎംഎ ചിന്നികൃഷ്ണൻ ഇന്നൊവേഷൻ അവാർഡ് ഇതുവരെ വിവിധ വിഭാഗങ്ങളിലായി 50-ൽ അധികം സംരംഭകരുടെ സംരംഭകത്വ മികവിനെ ആദരിച്ചിട്ടുണ്ട്.