മുഖത്ത് ആവിപിടിക്കൽ തന്നെയാണ് മുഖചർമ്മത്തിന് ഏറ്റവും ഉത്തമം. ഇവ ചർമ്മത്തിലെ നിർജ്ജീവ കോശങ്ങളും സെബവും നീക്കം ചെയ്തുകൊണ്ട് ചർമ്മത്തെ പോഷിപ്പിക്കാനും ശുദ്ധീകരിക്കാനും സഹായിക്കുന്നു. ആവി പിടിക്കുന്നതു കൊണ്ടുള്ള ഗുണങ്ങളും ആവി പിടിക്കേണ്ടത് എങ്ങനെയാണെന്നും നോക്കാം.

• ആവി പിടിക്കുന്നതിലൂടെ മുഖത്തെ രക്തചംക്രമണം വർധിക്കുകയും ഇതുവഴി ഫേഷ്യൽ ടിഷ്യൂവിലേക്ക് ധാരാളം ഓക്സിജനും ന്യൂട്രിയൻസും കടക്കുകയും ചെയ്യും. ഇത് മുഖത്തിന്റെ തിളക്കം വർധിപ്പിക്കും.
• ആവി പിടിക്കുമ്പോൾ മുഖം വിയർക്കുന്നു. ഇതിലൂടെ മുഖത്ത് അടിഞ്ഞുകൂടുന്ന അഴുക്കും മറ്റു പൊടിപടലങ്ങളുമെല്ലാം നീങ്ങും.
• ഫേസ് മാസ്കോ ക്ലെൻസിങ് മിൽക്കോ ഉപയോഗിച്ചാൽ പോലും നീങ്ങാത്ത അഴുക്കുകൾ ആവിപിടിക്കുന്നതിലൂടെ ഇല്ലാതാകും.
• ആവി പിടിക്കുന്നതു വഴി മുഖോപരിതത്തിലെ നിർജീവമായ തൊലി ഇല്ലാതാകുകയും തിളക്കമുള്ള ചർമ്മം പ്രധാനം ചെയ്യുകയും ചെയ്യും. കൂടാതെ മുഖത്തെ കറുത്തതും വെളുത്തതുമായുള്ള എല്ലാ പാടുകളും ഇല്ലാതാകും.
• മുഖക്കുരു അകലാനായി ആവിപിടിച്ചതിനു ശേഷം ഒരു മുപ്പതുമിനുട്ടു കഴിഞ്ഞാൽ എസ്ക്യെൂബ് മുഖത്തും പുരട്ടാം. ആവിപിടിക്കുമ്പോഴുള്ള ചൂടുവഴി മുഖക്കുരുവിലെ പസ് പുറത്തേക്കു വരികയും എസ്ക്യെൂബ് വയ്ക്കുന്നതുവഴി പുതിയ മുഖക്കുരുക്കൾ വരാതിരിക്കുകയും ചെയ്യും.
• ഫേഷ്യൽ സ്റ്റീമറിൽ ആവി പിടിക്കുന്നതിന് ഉത്തമമായ ചൂട് 43 ഡിഗ്രി സെൽഷ്യസ് ആണ്.
• ഫേഷ്യൽ സ്റ്റീമർ ഇല്ലാത്ത സാഹചര്യത്തിൽ വലിയ വട്ടമില്ലാത്ത പാത്രത്തിൽ വെള്ളം തിളപ്പിച്ച് ആവികൊള്ളാം. മുഖം ഒരു തുണികൊണ്ടു മറച്ച് ആവി പുറത്തു പോവാതിരിക്കാൻ ശ്രദ്ധിക്കണം.
• മുഖത്ത് ആവി പിടിക്കുന്നത് ബ്ലാക്ക്ഹെഡ്സ് നീക്കാൻ സഹായിക്കുന്നു. ചർമ്മത്തിലെ മൃതകോശങ്ങൾ നീക്കം ചെയ്യാനും സെബം നീക്കാനും ആവി പിടിക്കുന്നത് സഹായിക്കുന്നു.
• ആവി പിടിക്കുന്നതിനു മുമ്പായി മുഖം വൃത്തിയായി കഴുകണം. മുഖത്തെ മേയ്ക്കപ്പ് പൂർണമായും നീക്കിയെങ്കിൽ മാത്രമേ അഴുക്കുകളും പൂർണമായും നീങ്ങുകയുള്ളു.
• ആര്യവേപ്പിന്റെ ഇല, തുളസി, നാരകത്തിന്റെ ഇല തുടങ്ങിയവ ആവിപിടിക്കുന്ന വെള്ളത്തിൽ ഇടുന്നത് നല്ലതാണ്.
• മാസത്തിൽ രണ്ടുപ്രാവശ്യം മാത്രം ആവികൊള്ളാൻ ശ്രദ്ധിക്കുക. അമിതമായാൽ ചർമം വരളുകയും വിണ്ടുകീറുകയും ചെയ്യും. ചൂട് അമിതമാകാതിരിക്കാനും ശ്രദ്ധിക്കണം. ഇതും മുഖചർമ്മത്തെ ദോഷകരമായി ബാധിക്കും.
• അഞ്ചു മുതൽ പത്തു മിനുട്ടു വരെയാണ് ആവി പിടിക്കേണ്ട ശരിയായ സമയം. എന്തെങ്കിലും അസ്വസ്ഥത തോന്നുമ്പോൾ മുഖത്തു നിന്നും അൽപസമയത്തേക്ക് ടവൽ മാറ്റി നല്ല വായു കൊള്ളിക്കാം.

ഹെൽത്ത് ടിപ്സുകൾക്കും രുചികരവും ആരോഗ്യപ്രദായകവുമായ ഭക്ഷണങ്ങളെക്കുറിച്ചറിയുവാനും ഈ പോർട്ടൽ ഫോളോ ചെയ്യുക.

വെളിച്ചെണ്ണ ആരോഗ്യത്തിനും സൗന്ദര്യത്തിനും... Read More