പാലക്കാട്: ജില്ലയിലെ ഒറ്റപ്പാലം താലൂക്കിൽ 95-ാം നമ്പർ റേഷൻ കടക്ക് പട്ടികജാതി സംവരണത്തിൽ കേരള ടാർജറ്റ് പബ്ലിക് ഡിസ്ട്രിബ്യൂഷൻ 2021 ലെ മാനദണ്ഡപ്രകാരം സ്ഥിരം ലൈസൻസിയെ നിയമിക്കുന്നതിന് അപേക്ഷിക്കാം. വാണിയംകുളം പഞ്ചായത്തിലെ പതിമൂന്നാം വാർഡിലെ മാന്നന്നൂർ പ്രദേശത്തെ 95-ാം നമ്പർ റേഷൻ കടയിലേക്കാണ് നിയമനം.

യോഗ്യതകൾ:

• അപേക്ഷകർക്ക് ജനുവരി ഒന്നിന് 21 പൂർത്തീകരിച്ചിരിക്കണം. 62 വയസ് കവിയരുത്.
• എസ്.എസ്.എൽ.സി പാസായിരിക്കണം.
• ന്യായവിലാ ഷോപ്പ് ഉടമസ്ഥൻ ആകുന്നതിനുതകുന്ന ശാരീരികവും മാനസികവുമായ പ്രാപ്തിയുള്ളവർ ആയിരിക്കണം.
• വിജ്ഞാപന തീയതിക്ക് മുമ്പ് തുടർച്ചയായി മൂന്നു വർഷം എഫ്.പി.എസ് സ്ഥിതി ചെയ്യുന്ന പഞ്ചായത്ത്/നഗരസഭ പ്രദേശത്തെ സ്ഥിരതാമസക്കാരനായിരിക്കണം. അതേ വാർഡിലെ താമസക്കാരനായ അപേക്ഷകന് മുൻഗണന.
• പട്ടികജാതി/പട്ടികവർഗ്ഗക്കാർക്കായി സംവരണം ചെയ്യപ്പെട്ട എഫ്.പി.എസുകളുടെ ലൈസൻസിനുള്ള അപേക്ഷകർ എഫ്.പി.എസ് ഉൾപ്പെടുന്ന താലൂക്കുകളിലെ സ്ഥിരതാമസക്കാരനായിരിക്കണം.
• തദ്ദേശസ്ഥാപനത്തിലെ സ്ഥിരതാമസക്കാരനായ അപേക്ഷകന് മുൻഗണന.
• അപേക്ഷകൻ ഫുൾടൈം/പാർട്ട് ടൈം സർക്കാർ ജീവനക്കാരനാകാൻ പാടില്ല.
• അപേക്ഷകൻ പൊതുമേഖല സ്വകാര്യ സഹകരണ മേഖലകളിൽ നിന്നും ശമ്പളം കൈപ്പറ്റുന്ന വ്യക്തിയാവാൻ പാടില്ല.
• സ്ഥിരമായ ഏതെങ്കിലും പ്രവർത്തിക്ക് സർക്കാർ നിയോഗിക്കുന്ന, സർക്കാരിൽ നിന്ന് ഹോണറേറിയം ലഭിക്കുകയോ ചെയ്യുന്ന വ്യക്തി അപേക്ഷിക്കരുത്.
• നിലവിൽ എഫ്.ബി.എസ് ലൈസൻസി ആയിട്ടുള്ളവരുടെ കുടുംബാംഗങ്ങൾ അപേക്ഷിക്കരുത്

അപേക്ഷകൾ നവംബർ 27 ന് വൈകിട്ട് മൂന്നിനകം ഓഫീസിൽ നൽകണമെന്ന് ജില്ലാ സപ്ലൈ ഓഫീസർ അറിയിച്ചു.

കൂടുതൽ വിവരങ്ങൾക്ക്:

• താലൂക്ക് സപ്ലൈ ഓഫീസ്, ആലത്തൂർ- 04922-222325, 9188527388.
• താലൂക്ക് സപ്ലൈ ഓഫീസ, ചിറ്റൂർ- 04923-222329, 9188527389.
• താലൂക്ക് സപ്ലൈ ഓഫീസ, ഒറ്റപ്പാലം- 0466-2244397, 9188527386.
• താലൂക്ക് സപ്ലൈ ഓഫീസ, പാലക്കാട്- 0491-2536872, 9188527391.
• ജില്ലാ സപ്ലൈ ഓഫീസ, പാലക്കാട്- 0491-2505541

സർക്കാർ പദ്ധതികൾ, ധനസഹായം, ലോൺ തുടങ്ങിയവയെക്കുറിച്ചുള്ള വാർത്തകൾ നിരന്തരം ലഭിക്കുവാൻ ഈ പോർട്ടൽ ഫോളോ ചെയ്യുക

ഗ്രോത്ത് പൾസ്; സംരംഭകർക്കുള്ള പരിശീലന പരിപാടി... Read More