കൊച്ചി: ടാറ്റാ ഗ്രൂപ്പിൻറെ ഉടമസ്ഥതയിലുള്ള എയർ ഇന്ത്യ പുതിയ ശക്തമായ ഇന്ത്യയുടെ സത്തയുമായുള്ള പുതിയ ആധുനീക ബ്രാൻഡ് ഐഡൻറിറ്റിയും എയർക്രാഫ്റ്റ് ലിവറിയും അവതരിപ്പിച്ചു.

എയർ ഇന്ത്യ ചരിത്രപരമായി ഉപയോഗിച്ചു വന്നിരുന്ന ഐകോണിക് ഇന്ത്യൻ വിൻഡോ ആകൃതിയെ പുതിയ ബ്രാൻഡ് ഡിസൈൻറെ കേന്ദ്രമാകുന്ന ഗോൾഡ് വിൻഡോയിലേക്ക് പുനർ ആവിഷ്ക്കാരം ചെയ്യുന്നതാണ് പുതിയ രൂപം. സാധ്യതകളുടെ ജാലകത്തെയാണിത് സൂചിപ്പിക്കുന്നത്. എയർ ഇന്ത്യയുടെ പുതിയ ലോഗോ ചിഹ്നം- ദി വിസ്ത ഗോൾഡ് വിൻഡോ ഫ്രെയിമിൻറെ ഉയർച്ചയിൽ നിന്ന് പ്രചോദനം ഉൾക്കൊള്ളുകയാണ്. പരിധികളില്ലാത്ത സാധ്യതകൾ, പുരോഗതികൾ, എയർ ലൈനിൻറെ ശക്തിയും ആത്മവിശ്വാസവും ഭാവിയിലേക്കായുള്ള നീക്കം എന്നിവ ഉയർത്തിക്കാട്ടുന്നതാണിത്.

ആഴത്തിലുള്ള ചുവപ്പ്, ഓബർജീൻ, ഗോൾഡ് എന്നീ വർണങ്ങൾ ഉയർത്തിയുള്ളതും ചക്രത്തിൽ നിന്നു പ്രചോദനം ഉൾക്കൊള്ളുന്നതുമാണ് എയർ ഇന്ത്യയുടെ പുതിയ എയർക്രാഫ്റ്റ് ലിവറി (വേഷവിതാനങ്ങൾ). എയർ ഇന്ത്യയുടെ പ്രീമിയവും താങ്ങാനാവുന്നതുമായ സ്ഥാനത്തോട് ആത്മവിശ്വാസത്തോടെ ഇഴുകി ചേരുന്ന പ്രത്യേകമായ രൂപകൽപന ചെയ്ത എയർ ഇന്ത്യ സാൻസ് ഫോണ്ടും ഇതോടൊപ്പമുണ്ട്.

പുതിയ ഇന്ത്യയെ ആഗോളതലത്തിൽ അഭിമാനത്തോടെ പ്രതിനിധീകരിക്കുന്ന വിധത്തിൽ ലോകത്തിൻറെ എല്ലാ ഭാഗങ്ങളിൽ നിന്നുമുള്ള അതിഥികൾക്കു സേവനം നൽകുന്ന ആഗോള നിലവാരമുള്ള എയർലൈനായി എയർ ഇന്ത്യയെ മാറ്റുകയെന്ന ലക്ഷ്യത്തെ പ്രതിഫലിപ്പിക്കുന്നതാണ് മാറ്റങ്ങളോടെയുള്ള പുതിയ ബ്രാൻഡ് എന്ന് എയർ ഇന്ത്യ സിഇഒയും മാനേജിങ് ഡയറക്ടറുമായ കാംപ്ബെൽ വിൽസൺ പറഞ്ഞു.

ക്രോമയിൽ ഇൻഡിപെൻഡൻസ് ഡേ സെയിൽ ഹോം അപ്ലയൻസസ്, സ്മാർട്ട് ഫോണുകൾ, ഓഡിയോ തുടങ്ങിയവയിൽ വൻ ഇളവുകൾ... Read More

എയർ ഇന്ത്യയുടെ മഹത്തായ ചരിത്രവും നവീനവും ആവേശകരവുമായ ഭാവിക്കായുള്ള നീക്കങ്ങളും കോർത്തിണക്കി ബ്രാൻഡ് ട്രാൻസ്ഫോർമേഷൻ കമ്പനിയായ ഫ്യൂചർബ്രാൻഡുമായി സഹകരിച്ചാണ് പുതിയ ബ്രാൻഡ് ഐഡൻറിറ്റി രൂപകൽപന ചെയ്തത്. ഇന്ത്യൻ ഹൃദയമുള്ള ഒരു പ്രീമിയം ഗ്ലോബൽ എയർലൈനിനായുള്ള പ്രത്യേകമായുള്ള രൂപകൽപനയാണ് തയ്യാറാക്കിയത്. പുതിയ വേഷവിതാനങ്ങളുമായി എയർ ഇന്ത്യയുടെ ആദ്യ എയർബസ് എ350 എത്തുന്ന 2023 ഡിസംബർ മുതൽ യാത്രക്കാർക്ക് പുതിയ ലോഗോയും കാണാനാവും.

ടാറ്റ ഗ്രൂപ്പ് ചെയർമാൻ എൻ. ചന്ദ്രശേഖരനും എയർ ഇന്ത്യയുടെ സി.ഇ.ഒ.യും എം.ഡി.യുമായ കാംബെൽ വിൽസണും ചേർന്ന് എയർലൈനിൻറെ പുതിയ ബ്രാൻഡ് ഐഡൻറിറ്റി അവതരിപ്പിക്കുന്നു.

ഇന്ത്യയിലേക്കും ഇന്ത്യയിൽ നിന്നും ഇന്ത്യയ്ക്കകത്തും സഞ്ചരിക്കുന്നവരുടെ താൽപര്യമുള്ള എയർലൈൻ എന്ന സ്ഥാനം ശക്തമാക്കുന്ന വിധത്തിൽ അതിഥികളുടെ അനുഭവങ്ങൾ മെച്ചപ്പെടുത്തുന്ന രീതിയിലെ സേവനങ്ങൾക്കായി നിർണായക നിക്ഷേപങ്ങളാണ് എയർ ഇന്ത്യ നടത്തുന്നത്.

• എയർബസിൽ നിന്നും ബോയിങിൽ നിന്നും 70 ബില്യൺ ഡോളറിന് 470 വിമാനങ്ങൾ സ്വന്തമാക്കാനുള്ള ചരിത്രപരമായ ധാരണകളാണ് എയർ ഇന്ത്യ ഉറപ്പിച്ചിട്ടുള്ളത്. ഈ വർഷം നവംബർ മുതൽ പുതിയ വിമാനങ്ങൾ ലഭിച്ചു തുടങ്ങും.
• ഈ വർഷം 20 വൈഡ് ബോഡി വിമാനങ്ങൾ വാങ്ങുകയും പാട്ടത്തിനെടുക്കുകയും ചെയ്യുന്നതിലൂടെ എയർ ഇന്ത്യയുടെ വിമാന നിരയുടെ മാറ്റം ഇതിനകം തന്നെ ആരംഭിച്ചു കഴിഞ്ഞു. 43 വൈഡ് ബോഡി വിമാനങ്ങളുടെ ഇൻറീരിയറുകൾ 2024 മധ്യത്തോടെ പൂർണമായി പുതുക്കുന്നതിനുള്ള 400 മില്യൺ ഡോളറിൻറെ പദ്ധതിയുമുണ്ട്. എല്ലാ കാബിനുകളിലും പുതിയ സീറ്റുകൾ സ്ഥാപിക്കുക, പുതിയ ഇൻഫ്ളൈറ്റ് എൻറർടൈൻമെൻറ് സംവിധാനങ്ങളും വിമാനത്തിനുള്ളിലെ വൈഫൈ കണക്ടിവിറ്റിയും ലഭ്യമാക്കുക എന്നിവ ഇതിലുൾപ്പെടുന്നു. 2024 മാർച്ചോടെ വൈഡ് ബോഡി വിമാനങ്ങളിൽ 33 ശതമാനവും മെച്ചപ്പെടുത്തിയിരിക്കും. അടുത്ത രണ്ടര വർഷങ്ങളിൽ മൊത്തം വിമാനങ്ങളും പുതുക്കി അവതരിപ്പിക്കുകയും ചെയ്യും.
• പുതിയ ഡിജിറ്റൽ ടൂളുകളും സൗകര്യങ്ങളുമായി എയർ ഇന്ത്യ പുതിയ വെബ്സൈറ്റ്, മൊബൈൽ ആപ് എന്നിവ അവതരിപ്പിച്ച് മെച്ചപ്പെട്ട വെബ് അനുഭവങ്ങളും ലഭ്യമാക്കുന്നുണ്ട്.
• ഒൻപത് ഇന്ത്യൻ ഭാഷകളിലും വിദേശ ഭാഷകളിലും എല്ലാ ദിവസങ്ങളിലും എല്ലാ സമയത്തും സേവനങ്ങൾ നൽകുന്ന കസ്റ്റമർ കോണ്ടാക്ട് സെൻററും ഈ വർഷം അവസാനത്തോടെ അവതരിപ്പിക്കും. ആയിരക്കണക്കിന് പുതിയ റിഡംഷൻ സാധ്യതകൾ നൽകുന്ന പൂർണമായും പുനർരൂപകൽപന ചെയ്ത ലോയൽറ്റി പരിപാടി 2024 ആദ്യം അവതരിപ്പിക്കും.
• പ്രീമിയം ഉപഭോക്താക്കൾക്ക് 100 ശതമാനം ലോഞ്ച് സേവനം പ്രദാനം ചെയ്യുന്ന വിധത്തിൽ ആഗോള ലോഞ്ച് ശൃംഖലാ വികസനത്തിൻറെ ഭാഗമായി ഡെൽഹി, ന്യൂയോർക്ക് ജെഎഫ്കെ വിമാനത്താവളങ്ങളിൽ പൂർണമായും പുതിയ ലോഞ്ചുകൾ നിർമിക്കാനായി എയർലൈൻ നിക്ഷേപം നടത്തും.
• എയർ ഇന്ത്യയിൽ നടക്കുന്ന മാറ്റങ്ങൾ ത്വരിതപ്പെടുത്താനായി 3200 കാബിൻ ക്രൂവും ആയിരത്തോളം കോക്പിറ്റ് ക്രൂവും അടക്കം അയ്യായിരത്തിലേറെ പുതിയ ജീവനക്കാരെ എയർ ഇന്ത്യ ഇപ്പോൾ സ്വീകരിച്ചിട്ടുണ്ട്. വ്യോമയാന മേഖലയിലെ പ്രൊഫഷണലുകളെ വാർത്തെടുക്കാനാവും വിധം ലോകത്തിലെ ഏറ്റവും വലിയ വ്യോമയാന പരിശീലന അക്കാദമികളിൽ ഒന്ന് ഇന്ത്യയിൽ നിർമിക്കാൻ വൻതോതിലുള്ള നിക്ഷേപവും സ്ഥാപനം നടത്തുന്നുണ്ട്.

എയർ ഇന്ത്യയുടെ വിവിധ മേഖലകളിലായുള്ള പുതിയ ബ്രാൻഡ് ഐഡൻറിറ്റി ദർശിക്കാനായി ഈ ലിങ്ക് ക്ലിക്കു ചെയ്യുക. https://www.airindia.com/in/en/rebrand-kit.html.

5 കോടിയിലധികം രൂപയുടെ ഓണ സമ്മാനങ്ങളൊരുക്കി മാരുതി... Read More