കേരളത്തിൽ പൂർവികരായ ആളുകൾ പല്ലു തേക്കാൻ ഉപയോഗിച്ചിരുന്നത് ഇലകളും ഉമിക്കരികളുമൊക്കെയായിരുന്നു. എന്നാൽ ഇന്ന് കാണുന്ന രീതിയിലേക്ക്, നാരുകളടങ്ങിയ ടൂത്ത് ബ്രഷുകൾ ആദ്യമായി ഉപയോഗിച്ചത് പതിനൊന്നാം നൂറ്റാണ്ടിലാണെന്നാണ് ചരിത്രം രേഖപ്പെടുത്തുന്നത്. ചൈനക്കാരാണ് ഇത്തരത്തിലുള്ള ടൂത്ത് ബ്രഷ് ആദ്യമായി ഉപയോഗിച്ച് തുടങ്ങുന്നത്. ടൂത്ത് ബ്രഷുകളെക്കുറിച്ച് ചില കാര്യങ്ങൾ നമ്മൾ നിർബന്ധമായും അറിഞ്ഞിരിക്കേണ്ടതുണ്ട്.

വ്യാസം അനുസരിച്ച് മൃദുവായതും, ഇടത്തരവും, കട്ടി കൂടിയതും വിപണിയിൽ ലഭ്യമാണ്. നിത്യേനയുള്ള ഉപയോഗത്തിന് ഇടത്തരമാണ് ഉചിതം. പല്ലിന് പുളിപ്പുള്ളവർ, മോണരോഗ ശസ്ത്രക്രിയ കഴിഞ്ഞവർ, മോണ പിൻവാങ്ങി വേരിന്റെ ഭാഗം തെളിഞ്ഞുകാണുന്നവർ എന്നിവരൊക്കെ മൃദുവായ ബ്രഷ് വേണം ഉപയോഗിക്കാൻ. കൃത്രിമദന്തങ്ങൾ വൃത്തിയാക്കാൻ ഹാർഡ് ബ്രഷ് ഉപയോഗിക്കാം.

നമ്മൾ നിത്യവും ഉപയോഗിക്കുന്ന ടൂത്ത് ബ്രഷിൽ ഏകദേശം പത്ത് കോടിയിൽ അധികം ബാക്ടീരിയകൾ അടങ്ങിയിട്ടുണ്ടെന്നാണ് പഠനങ്ങൾ വ്യക്തമാക്കുന്നത്. മാഞ്ചസ്റ്റർ യൂണിവേഴ്സിറ്റിയിലെ ഗവേഷകരാണ് ഇത് കണ്ടെത്തിയിരിക്കുന്നത്.

ടൂത്ത് ബ്രഷ് സൂക്ഷിക്കുമ്പോൾ ശ്രദ്ധിക്കേണ്ട കാര്യം

• ഒരിക്കലും ക്ലോസറ്റുള്ള ബാത്ത് റൂമിൽ ടൂത്ത് ബ്രഷ് സൂക്ഷിക്കരുത്. അത് ബാക്ടീരിയകൾ വർധിക്കാൻ കാരണമാകും. ക്ലോസറ്റിൽ ഓരോ തവണയും ഫ്ളഷ് ചെയ്യുമ്പോൾ ബാക്ടീരിയകൾ അന്തരീക്ഷത്തിലേക്ക് സ്പ്രേ ചെയ്യപ്പെടുകയാണ്. അതിനാൽ തന്നെ ബ്രഷ് ക്ലോസറ്റുള്ള ബാത്ത് റൂമിൽ സൂക്ഷിക്കുമ്പോൾ ബാക്ടീരിയകളിൽ പലതും ബ്രഷിലേക്ക് എത്താനുള്ള സാധ്യത വളരെ കൂടുകലാണ്. ഇങ്ങനെ സൂക്ഷിക്കുന്നുണ്ടെങ്കിൽ ഓരോ പ്രാവശ്യവും പല്ല് തേയ്ക്കാൻ ബ്രഷ് എടുക്കുമ്പോൾ ടാപ്പിൽ കാണിച്ച് നന്നായി ബ്രഷ് കഴുകുക.
• വായിലുള്ള കോടിക്കണക്കിന് ബാക്ടീരിയൾ ടൂത്ത് ബ്രഷുകളിൽ പറ്റിപ്പിടിച്ചുണ്ടാകും. തൊട്ടടുത്തിരിക്കുന്ന രണ്ടു ബ്രഷുകൾ തമ്മിൽ സ്പർശിക്കുമ്പോൾ രോഗാണുക്കൾ പടരാനുള്ള സാധ്യത വളരെ കൂടുതലാണ്. അതു കൊണ്ട് അടുത്തടുത്ത് രണ്ട് ബ്രഷുകൾ വെക്കാതിരിക്കാൻ പരമാവധി ശ്രദ്ധിക്കുക.
• ടൂത്ത് ബ്രഷ് ഉപയോഗിക്കുമ്പോൾ പരമാവധി മൂന്ന് മാസം മാത്രം ഉപയോഗിക്കാൻ ശ്രദ്ധിക്കുക. അണുക്കൾ ധാരാളം അടിഞ്ഞു കൂടുന്നത് കൊണ്ട് തന്നെ വളരെ പെട്ടെന്ന് ടൂത്ത് ബ്രഷുകൾ കേടായിത്തുടങ്ങും. മാത്രമല്ല, ദിനം തോറും ടൂത്ത് ബ്രഷുകളിൽ അണുക്കൾ പെരുകിക്കൊണ്ടേയിരിക്കും
• ഉപയോഗത്തിന് ശേഷം ബ്രഷ് കഴുകി നന്നായി വെള്ളം കുടഞ്ഞ ശേഷം മാത്രം ഹോൾഡറിലോ കപ്പിലോ വെക്കാവു.

പല്ല് തേച്ച് കഴിഞ്ഞ് ബ്രഷ് എവിടെയെങ്കിലും വലിച്ചെറിയുന്നവർ ഇനിയെങ്കിലും ഇത്തരം കാര്യത്തിൽ ജാഗ്രത പാലിക്കാൻ ശ്രദ്ധിക്കുക.

സ്ത്രീകളിൽ ഹൃദയാഘാതത്തോടനുബന്ധിച്ചുണ്ടാകുന്ന ചില ലക്ഷണങ്ങൾ... Read More

ഹെൽത്ത് ടിപ്സുകൾ ദിവസവും ലഭിക്കുവാൻ ഈ പോർട്ടൽ ഫോളോ ചെയ്യുക