നിങ്ങളുടെ ജീവിതത്തെ നേരിട്ട് ബാധിക്കുന്നതായതിനാല്‍ നിയമങ്ങളുടെ വിവരങ്ങള്‍ മുന്‍കൂട്ടി അറിയേണ്ടത് പ്രധാനമാണ്

നാളെ മുതല്‍ രാജ്യത്ത് നിരവധി മാറ്റങ്ങളാണ് സംഭവിക്കാന്‍ പോകുന്നത്. ഈ മാറ്റങ്ങള്‍ നിങ്ങളുടെ ജീവിതത്തെ നേരിട്ട് ബാധിക്കുന്നതായതിനാല്‍ നിയമങ്ങളുടെ വിവരങ്ങള്‍ മുന്‍കൂട്ടി അറിയേണ്ടത് പ്രധാനമാണ്. നവംബര്‍ ഒന്നു മുതല്‍ ബാങ്കുകളില്‍ പണം നിക്ഷേപിക്കുന്നതിന് മുതല്‍ പണം പിന്‍വലിക്കുന്നതിന് വരെ ചാര്‍ജ് ഈടാക്കും. അതേസമയം റെയില്‍വേയുടെ ടൈം ടേബിളിലും മാറ്റമുണ്ടാകും. ഇതിന് പുറമെ ഗ്യാസ് സിലിണ്ടര്‍ ബുക്കിംഗ് നിയമങ്ങളിലും വലിയ മാറ്റം വരാന്‍ പോകുന്നു.

ഇനി ബാങ്കുകളില്‍ ഡെപ്പോസിറ്റ് ചെയ്യുന്നതിനും ചാര്‍ജ്ജ്

ഇനി ബാങ്കുകളില്‍ പണം നിക്ഷേപിക്കുന്നതിനും പിന്‍വലിക്കുന്നതിനും ചാര്‍ജ് നല്‍കേണ്ടി വരും. ബാങ്ക് ഓഫ് ബറോഡ ആണ് ഇത് ആരംഭിച്ചത്. നിശ്ചിത പരിധിക്കപ്പുറമുള്ള ബാങ്കിംഗ് സേവനങ്ങള്‍ക്ക് അടുത്ത മാസം മുതല്‍ പ്രത്യേക ഫീസ് ഈടാക്കും. നവംബര്‍ 1 മുതല്‍, ഉപഭോക്താക്കള്‍ ലോണ്‍ അക്കൗണ്ടിനായി 150 രൂപ നല്‍കണം. സേവിംഗ്‌സ് അക്കൗണ്ട് ഉടമകള്‍ക്ക് മൂന്ന് തവണ വരെ പണം നിക്ഷേപിക്കുന്നത് സൗജന്യമായിരിക്കും. എന്നാല്‍ ഉപഭോക്താക്കള്‍ നാലാം തവണയും പണം നിക്ഷേപിച്ചാല്‍ 40 രൂപ നല്‍കേണ്ടിവരും. അതേസമയം, ജന്‍ധന്‍ അക്കൗണ്ട് ഉടമകള്‍ക്ക് ഇതില്‍ അല്‍പം ആശ്വാസം ലഭിച്ചിട്ടുണ്ട്, നിക്ഷേപിക്കുന്നതിന് ഫീസ് നല്‍കേണ്ടതില്ല, എന്നാല്‍ പിന്‍വലിക്കുമ്പോള്‍ 100 രൂപ നല്‍കേണ്ടിവരും.

ഗൂഗിള്‍പേ ഇടപാട് പരാജയപ്പെടുക യാണെങ്കില്‍ പണം തിരികെ ലഭിക്കാന്‍ എന്തു ചെയ്യണമെന്ന് അറിയാമോ?... Read More

ട്രെയിനുകളുടെ സമയക്രമം മാറും

രാജ്യത്തുടനീളമുള്ള ട്രെയിനുകളുടെ സമയപ്പട്ടിക മാറ്റാന്‍ ഇന്ത്യന്‍ റെയില്‍വേ ഒരുങ്ങുന്നു. നേരത്തെ, ഒക്ടോബര്‍ 1 മുതല്‍ ട്രെയിനുകളുടെ സമയപ്പട്ടികയില്‍ മാറ്റം വരാന്‍ പോവുകയായിരുന്നെങ്കിലും ചില കാരണങ്ങളാല്‍ ഒക്ടോബര്‍ 31 എന്ന തീയതി വീണ്ടും തീരുമാനിച്ചിരുന്നു. ഈ തീയതിക്ക് ശേഷം അതായത് നവംബര്‍ ഒന്ന് മുതല്‍ പുതിയ ടൈംടേബിള്‍ നടപ്പിലാക്കും. രാജ്യത്ത് ഓടുന്ന 30 രാജധാനി ട്രെയിനുകളുടെ സമയവും നവംബര്‍ 1 മുതല്‍ മാറും.

ഗ്യാസ് സിലിണ്ടറുകള്‍ ബുക്ക് ചെയ്യുന്നതിന് ഒടിപി നല്‍കേണ്ടിവരും

നവംബര്‍ 1 മുതല്‍ എല്‍പിജി ഗ്യാസ് സിലിണ്ടറുകളുടെ വിതരണത്തിന്റെ മുഴുവന്‍ പ്രക്രിയയും മാറാന്‍ പോകുന്നു. ഗ്യാസ് ബുക്കിംഗിന് ശേഷം ഉപഭോക്താക്കളുടെ മൊബൈല്‍ നമ്പറിലേക്ക് ഒരു OTP അയയ്ക്കും. ഡെലിവറിക്കായി സിലിണ്ടര്‍ എത്തുമ്പോള്‍ നിങ്ങള്‍ ഈ OTP പങ്കിടേണ്ടതുണ്ട്. ഈ കോഡ് സിസ്റ്റവുമായി പൊരുത്തപ്പെട്ടുകഴിഞ്ഞാല്‍ മാത്രമേ ഉപഭോക്താവിന് സിലിണ്ടര്‍ ലഭിക്കൂ.

വായ്പ എടുക്കുന്നതിന് മുമ്പ്‌ സ്വയം നിങ്ങള്‍ ഈ ചോദ്യങ്ങള്‍ ചോദിക്കാറുണ്ടോ?... Read More

ഇന്‍ഡെന്‍ ഗ്യാസ് ബുക്കിംഗ് നമ്പര്‍ മാറ്റി

നിങ്ങള്‍ ഒരു ഇന്‍ഡെന്‍ ഉപഭോക്താവാണെങ്കില്‍, ഇനി മുതല്‍ നിങ്ങള്‍ക്ക് പഴയ നമ്പറില്‍ ഗ്യാസ് ബുക്ക് ചെയ്യാന്‍ കഴിയില്ല. ഇന്‍ഡെയ്ന്‍ എല്‍പിജി ഉപഭോക്താക്കള്‍ക്ക് അവരുടെ രജിസ്റ്റര്‍ ചെയ്ത മൊബൈല്‍ നമ്പറില്‍ ഗ്യാസ് ബുക്ക് ചെയ്യുന്നതിനായി പുതിയ നമ്പര്‍ അയച്ചു. ഇപ്പോള്‍ ഇന്‍ഡെന്‍ ഗ്യാസിന്റെ ഉപഭോക്താക്കള്‍ എല്‍പിജി സിലിണ്ടര്‍ ബുക്ക് ചെയ്യുന്നതിന് 7718955555 എന്ന നമ്പറിലേക്ക് ഒരു കോളോ എസ്എംഎസോ അയക്കേണ്ടതുണ്ട്.

എല്‍പിജി ഗ്യാസ് സിലിണ്ടര്‍ വിലയില്‍ മാറ്റമുണ്ടാകും

സംസ്ഥാനത്തെ എണ്ണക്കമ്പനികള്‍ എല്ലാ മാസവും ഒന്നാം തീയതി എല്‍പിജി സിലിണ്ടറുകളുടെ വില നിശ്ചയിക്കുന്നു. ഈ സാഹചര്യത്തില്‍ നവംബര്‍ ഒന്നിന് സിലിണ്ടറുകളുടെ വിലയില്‍ മാറ്റം വരുത്താം. ഒക്ടോബറില്‍ എണ്ണക്കമ്പനികള്‍ വാണിജ്യ സിലിണ്ടറുകളുടെ വില വര്‍ധിപ്പിച്ചിരുന്നു.