മറ്റ് പെന്‍ഷന്‍ പദ്ധതികളില്‍ നിന്ന് 60 വയസിന് ശേഷം മാത്രമേ പിന്മാറാന്‍ സാധിക്കുകയുള്ളൂ. എന്നാല്‍ അംഗമായി കഴിഞ്ഞ് 10 വര്‍ഷങ്ങള്‍ക്ക് ശേഷം പിന്മാറാന്‍ സാധിക്കുമെന്നതാണ് പി.എം-എസ്.വൈ.എമ്മിന്റെ ഗുണം.

മാസം വെറും 55 രൂപ മാറ്റിവയ്ക്കാന്‍ സാധിക്കുമോ? എങ്കില്‍ നിങ്ങളുടെ ഭാവി ജീവിതത്തിന് ഒരു മുതല്‍ക്കൂട്ടാവും പി.എം-എസ്.വൈ.എം പദ്ധതി. തൊഴില്‍ മന്ത്രാലയത്തിന് കീഴില്‍ പ്രധാനമന്ത്രി നരേന്ദ്ര മോദി 2019 ഫെബ്രുവരിയിലാണ് പ്രധാനമന്ത്രി ശ്രാം യോഗി മാന്‍ ധന്‍ യോജന (പി.എം-എസ്.വൈ.എം) പദ്ധതി ആരംഭിച്ചത്. മറ്റ് പെന്‍ഷന്‍ പദ്ധതികളില്‍ നിന്ന് 60 വയസിന് ശേഷം മാത്രമേ പിന്മാറാന്‍ സാധിക്കുകയുള്ളൂ. എന്നാല്‍ അംഗമായി കഴിഞ്ഞ് 10 വര്‍ഷങ്ങള്‍ക്ക് ശേഷം പിന്മാറാന്‍ സാധിക്കുമെന്നതാണ് പി.എം-എസ്.വൈ.എമ്മിന്റെ ഗുണം.

അസംഘടിത തൊഴില്‍ മേഖലയ്ക്കും ഇന്ത്യയിലെ പ്രായമായവര്‍ക്കും സാമ്പത്തിക സുരക്ഷ പ്രദാനം ചെയ്യുന്ന ഒരു പെന്‍ഷന്‍ പദ്ധതിയാണ് പ്രധാനമന്ത്രി ശ്രാം യോഗി മാന്‍ ധന്‍ യോജന. ഉപഭോക്താക്കള്‍ സ്വമേധയാ സംഭാവന നല്‍കുന്ന കേന്ദ്രസര്‍ക്കാരിന്റെ പെന്‍ഷന്‍ പദ്ധതിയാണിത്. ഇന്ത്യയില്‍ 42 കോടി അസംഘടിത തൊഴിലാളികളുണ്ടെന്നാണ് കണക്കാക്കുന്നത്. 

അക്കൗണ്ടില്‍ ഒരു രൂപ പോലും ഇല്ല; പക്ഷെ ആവശ്യമുള്ള തുക ഈസിയായി പിന്‍വലിക്കാം ... Read More

പ്രതിമാസ വരുമാനം 15,000 രൂപയോ അതില്‍ താഴെയോ ഉളളവരെയാണ് പദ്ധതിയില്‍ ചേര്‍ക്കുക. 18നും 40നും ഇടയില്‍ പ്രായമുള്ളവരുമാകണം. ആദായ നികുതി അടയ്ക്കുന്നവരോ മറ്റ് പെന്‍ഷന്‍ പദ്ധതികളായ എന്‍.പി.എസ്, ഇ.എസ്.ഐ, ഇ.പി.എഫ് തുടങ്ങിയ പദ്ധതികളിലൊന്നും അംഗങ്ങളായവരോ ആകരുതെന്നും നിര്‍ദ്ദേശമുണ്ട്. 60 വയസ്സ് തികഞ്ഞതിന് ശേഷം കുറഞ്ഞത് 3,000 രൂപ പ്രതിമാസ പെന്‍ഷനാണ് പദ്ധതി ഉറപ്പു നല്‍കുന്നത്. 

അടുത്തുള്ള കോമണ്‍ സര്‍വീസ് സെന്റര്‍ (CSC) വഴിയാണ് പദ്ധതിയില്‍ ചേരേണ്ടത്. സേവിംഗ്‌സ് ബാങ്ക് അക്കൗണ്ട് (ജന്‍ധന്‍ അക്കൗണ്ടായാലും മതി), ആധാര്‍ കാര്‍ഡ് എന്നിവ നല്‍കി വേണം രജിസ്റ്റര്‍ ചെയ്യാന്‍. രാജ്യത്തുടനീളമുള്ള 3 ലക്ഷത്തിലധികം സിഎസ്സികളില്‍ ഈ സേവനം ലഭ്യമാണ്. സിഎസ്സികളില്‍ പദ്ധതി വിജയകരമായി രജിസ്റ്റര്‍ ശേഷം ഗുണഭോക്താവിന് ഒരു യൂണിക്ക് ഐഡി നമ്പര്‍ ലഭിക്കും.

നിക്ഷേപിക്കുമ്പോള്‍ ഒട്ടും റിസ്‌ക് എടുക്കാന്‍ താല്‍പര്യപ്പെടുന്നില്ലെങ്കില്‍...? ... Read More

18 വയസ്സുള്ള ഒരാള്‍ക്ക് പദ്ധതിയില്‍ ചേരാന്‍ പ്രതിമാസം 55 രൂപയാണ് അടയ്‌ക്കേണ്ടിവരിക. സര്‍ക്കാരും സമാനമായ തുക അതോടൊപ്പം നിക്ഷേപിക്കും. പ്രായം കൂടുന്നതിനനുസരിച്ച് അടയ്‌ക്കേണ്ട തുകയിലും വര്‍ദ്ധനവുണ്ടാകും. കൂടിയ മാസതവണ 200 രൂപയാണ്. പദ്ധതി പ്രകാരം വരിക്കാരന്‍ മരിക്കുമ്പോള്‍ ഭാര്യക്ക് പദ്ധതിയില്‍ തുടരാം.

ഒരു ഉപഭോക്താവ് സ്‌കീമില്‍ നിന്ന് 10 വര്‍ഷത്തില്‍ താഴെ കാലയളവിനുള്ളില്‍ പിന്മാറുകയാണെങ്കില്‍ ഗുണഭോക്താവിന്റെ വിഹിതം മാത്രമേ അയാള്‍ക്ക് തിരികെ ലഭിക്കൂ. കൂടാതെ, ഒരു വരിക്കാരന്‍ 60 വയസ്സ് തികയുന്നതിനുമുമ്പ് 10 വര്‍ഷമോ അതില്‍ കൂടുതലോ വര്‍ഷം നിക്ഷേപം നടത്തിയ ശേഷം പിന്മാറുകയാണെങ്കില്‍ സംഭാവനയുടെ വിഹിതത്തിന് ലഭിച്ച പലിശ അല്ലെങ്കില്‍ സേവിംഗ്സ് ബാങ്ക് പലിശ നിരക്ക് ഏതാണ് ഉയര്‍ന്നത്, അതും ഗുണഭോക്താവിന് തിരികെ നല്‍കും.