- Trending Now:
Sections
Sections
ഇന്റര്‍നെറ്റ് ഇല്ലാതെയും പണം കൈമാറ്റം സാധ്യമാകുമെന്നതാണ് വാസ്തവം
രാജ്യത്ത് സര്‍ക്കാരടക്കം കറന്‍സിരഹിത ഡിജിറ്റല്‍ ഇടപാടുകള്‍ക്കാണ് പ്രധാന്യം നല്‍കുന്നത്. ഔദ്യോഗിക ഡിജിറ്റല്‍ കറന്‍സി പുറത്തിറക്കാനുള്ള ആര്‍.ബി.ഐയുടെ നീക്കവും ഇക്കാര്യം വ്യക്തമാക്കുന്നു. എന്നാല്‍ ഇന്റര്‍നെറ്റ് സേവനങ്ങള്‍ ലഭ്യമല്ലാത്ത നിരവധി വിദൂര ഗ്രാമങ്ങള്‍ രാജ്യത്തുണ്ട്. ഇടപാടിന്റെ മധ്യത്തില്‍ ഇന്റര്‍നെറ്റ് സേവനം നിലച്ചാല്‍ എന്തുചെയ്യും? ഒരിക്കല്ലെങ്കിലും ഇക്കാര്യം ചിന്തിച്ചിട്ടുണ്ടോ. ഇന്റര്‍നെറ്റ് ഇല്ലാതെയും പണം കൈമാറ്റം സാധ്യമാകുമെന്നതാണ് വാസ്തവം.
ഇങ്ങനെയൊരു സംവിധാനം 2012 മുതല്‍ തന്നെ രാജ്യത്ത് ലഭ്യമാണെന്നതാണ് വസ്തുത. നാഷണല്‍ പേമെന്റ് കോര്‍പ്പറേഷന്‍ ഓഫ് ഇന്ത്യ (എന്‍.പി.സി.ഐ) അവതരിപ്പിച്ച *99# സേവനമാണ് ഇന്റര്‍നെറ്റ് ഇല്ലാതെ പണം കൈമാറ്റം സാധ്യമാക്കുന്നത്. ഫീച്ചര്‍ ഫോണുകളിലാണ് ഈ സംവിധാനം കൂടുതല്‍ ഫലപ്രദം. ഇന്റര്‍നെറ്റ് ഇല്ലാത്ത സാഹചര്യങ്ങളില്‍ മറ്റു ഫോണുകളിലും അടിയന്തര സേവനമായി ഉപയോഗിക്കാം.
ഇന്റര്‍നെറ്റില്ലാതെ ഇടപാടുകള്‍ സാധ്യമാകുന്നത് എങ്ങനെ?
ഭീം ആപ്പ് ഡൗണ്‍ലോഡ് ചെയ്ത് ഒറ്റത്തവണ രജിസ്‌ട്രേഷന്‍ പ്രക്രിയ പൂര്‍ത്തിയാക്കുക. ഫീച്ചര്‍ ഫോണുകളില്‍ ബാങ്കുകള്‍ വഴി ഇതു സാധ്യമാക്കണം.
ഇന്റര്‍നെറ്റ് സേവനം ലഭ്യമല്ലാത്ത സമയങ്ങളില്‍ ഫോണില്‍ *99# എന്ന് ടൈപ്പ് ചെയ്യുക. ഇപ്പോള്‍ ഏഴ് ഓപ്ഷനുകള്‍ അടങ്ങുന്ന പുതിയ മെനു ലഭിക്കും. മെനുവില്‍ 'പണം അയയ്ക്കുക', 'പണം സ്വീകരിക്കുക', 'ബാലന്‍സ് പരിശോധിക്കുക', 'എന്റെ പ്രൊഫൈല്‍', 'തീര്‍പ്പാക്കാത്ത അഭ്യര്‍ത്ഥനകള്‍', 'ഇടപാടുകള്‍', 'യു.പി.ഐ. പിന്‍' തുടങ്ങിയ ഓപ്ഷനുകള്‍ ഉണ്ടാകും.
ഇതില്‍നിന്ന് 'പണം അയയ്ക്കുക' ഓപ്ഷന്‍ തെരഞ്ഞെടുക്കുക. ഇത് ഫോണ്‍ നമ്പര്‍, യു.പി.ഐ. ഐഡി അല്ലെങ്കില്‍ അക്കൗണ്ട് നമ്പര്‍, ഐ.എഫ്.എസ്.സി. കോഡ് എന്നിവ ലഭ്യമാക്കും.
ഈ ലിസ്റ്റില്‍ നിന്ന്, ഫോണ്‍ നമ്പര്‍ ഓപ്ഷന്‍ തെരഞ്ഞെടുക്കുക, തുടര്‍ന്ന് നിങ്ങള്‍ പണം അയയ്ക്കാന്‍ ആഗ്രഹിക്കുന്ന വ്യക്തിയുടെ മൊബൈല്‍ നമ്പര്‍ നല്‍കുക.
നിങ്ങള്‍ യു.പി.ഐ. ഐഡി ഓപ്ഷന്‍ തെരഞ്ഞെടുത്താല്‍ ആര്‍ക്കാണോ പണം അയയ്ക്കേണ്ടത്, അവരുടെ യു.പി.ഐ. ഐഡി നല്‍കണം.
ഇതേ രീതിയില്‍ സ്വീകര്‍ത്താവിന്റെ അക്കൗണ്ട് നമ്പറും ഐ.എഫ്.എസ്.സി. കോഡും നല്‍കിയും ഇടപാട് നടത്താം.
തുടര്‍ന്ന് അയയ്ക്കേണ്ട തുക നല്‍കുക.
തുക നല്‍കി കഴിഞ്ഞാല്‍ നിങ്ങളുടെ യു.പി.ഐ. പിന്‍ തന്നെയാണ് ആവശ്യം. യു.പി.ഐ. പിന്‍ നല്‍കി പണം അയയ്ക്കാം.
പണം കൈമാറുന്നതോടെ റഫറന്‍സ് ഐഡി സഹിതം നിങ്ങളുടെ മൊബൈലില്‍ ഇടപാട് സ്റ്റാറ്റസ് അപ്ഡേറ്റ് ലഭിക്കും.
ഇടപാട് വിജയമാണെങ്കില്‍ ഈ വ്യക്തിയെ ഒരു ഗുണഭോക്താവായി സംരക്ഷിക്കാന്‍ നിങ്ങള്‍ക്കു സാധിക്കും. ഇതുവഴി അടുത്തൊരവസരത്തില്‍ പെട്ടെന്നു പണം കൈമാറാം.
ജോലി മാറുമ്പോള്‍ ഇവയൊക്കെ ശ്രദ്ധിച്ചില്ലെങ്കില്‍ ജിഎസ്ടി കൊടുക്കേണ്ടിവരും... Read More
ഫീച്ചര്‍ ഫോണുകളിലെ യു.പി.ഐ. ഇടപാട്
മുകളില്‍ പറഞ്ഞ രീതി ഫീച്ചര്‍ ഫോണുകളിലാണ് കൂടുതലും പ്രാവര്‍ത്തികമാകുക. ഇന്റര്‍നെറ്റ് ഇല്ലാത്ത അവസ്ഥയില്‍ അടിയന്തര സേവനമായാണ് ഇത് പരിഗണിക്കുന്നത്. രാജ്യത്ത് ഡിജിറ്റല്‍ പണമിടപാട് എല്ലാവര്‍ക്കും സാധ്യമാക്കുകയെന്ന ലക്ഷ്യത്തോടെയാണ് ഫീച്ചര്‍ ഫോണുകിലേക്കും ആര്‍.ബി.ഐ. ശ്രദ്ധ കേന്ദ്രീകരിക്കുന്നത്. ചെറിയ ഇടപാടുകള്‍ക്കുള്ള പുതിയ വാലറ്റ് സംവിധാനവും ആര്‍.ബി.ഐയുടെ പരിഗണനയിലുണ്ട്. ഡിജിറ്റല്‍ ഇടപാടുകള്‍ക്ക് സ്ഥാപനങ്ങള്‍ ഈടാക്കുന്ന നിരക്കുകളെക്കുറിച്ച് പഠിക്കാന്‍ ഒരു സമിതിയും ഉടന്‍ രൂപീകരിക്കും.
ക്രെഡിറ്റ്- ഡെബിറ്റ് കാര്‍ഡുകള്‍, വാലറ്റ്, യു.പി.ഐ. തുടങ്ങിയവ വഴിയുള്ള ഡിജിറ്റല്‍ ഇടപാടുകള്‍ക്കുള്ള നിരക്കുകളിലും ഏകീകരണം ഉണ്ടാകും. റീട്ടെയില്‍ ഡയറക്ട് പ്ലാറ്റ്‌ഫോംവഴി സര്‍ക്കാര്‍ സെക്യൂരിറ്റികളില്‍ നിക്ഷേപിക്കുന്നതിന് യു.പി.ഐ. പണമിടപാട് പരിധി രണ്ടുലക്ഷം രൂപയില്‍നിന്ന് അഞ്ചുലക്ഷമായി ഉയര്‍ത്തുന്ന കാര്യവും ആര്‍.ബി.ഐ. പരിഗണിക്കുന്നുണ്ട്. ഐ.പി.ഒ. അപേക്ഷകള്‍ക്കുള്ള പരിധിയും ഉടനെ ഉയര്‍ത്തുമെന്നാണു വിവരം.
.png)
.png)
The Local Economy is an online business news portal based in Kerala. International, national and local news related to business will reach the.
More..
ThelocalEconomy.in Copyright (c) 2024. All Rights Reserved.
.png)
ഇനി ലാഭം നോക്കി വാങ്ങാം...ഉത്പന്നങ്ങളുടെ പാക്കേജിംഗ് ചട്ടങ്ങളിലെ ഈ പുതിയ മാറ്റങ്ങള്‍ അറിയേണ്ടേ?
... Read More
ഇവിടെ പോസ്റ്റു ചെയ്യുന്ന അഭിപ്രായങ്ങൾ THE LOCAL ECONOMY ടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.