ഫേസ്ബുക്ക്, ഇന്‍സ്റ്റഗ്രാം, വാട്സാപ്പ് എന്നീ ആപ്പുകളുടെയും സേവനങ്ങളുടെയും പേരുകളില്‍ മാറ്റമുണ്ടാകില്ല

ഫേസ്ബുക്കും ഇന്‍സ്റ്റഗ്രാമും വാട്ആപ്പും ഇനി മുതല്‍ 'മെറ്റ'യ്ക്കു കീഴില്‍. മാതൃകമ്പനിയുടെ പേരില്‍ മാറ്റം വരുത്തിയതോടെ 'മെറ്റ' യ്ക്ക് കീഴിലാണ് അവ പ്രവര്‍ത്തിക്കുക. ഫേസ്ബുക്കിന്റെ സി.ഇ.ഒ മാര്‍ക്ക് സക്കര്‍ബര്‍ഗ് ആണ് ഫേസ്ബുക്ക് ഇന്‍ക് ഇനി മുതല്‍ മെറ്റ അല്ലെങ്കില്‍ മെറ്റ പ്ലാറ്റ്‌ഫോം ആയി അറിയപ്പെടുമെന്ന വിവരം അറിയിച്ചത്.

ഫേസ് ബുക് ഇന്‍കിന്റെ കീഴിലുള്ള സാമൂഹ്യമാദ്ധ്യമങ്ങളായ ഫേസ്ബുക്ക്, ഇന്‍സ്റ്റഗ്രാം, വാട്സാപ്പ് എന്നീ ആപ്പുകളുടെയും സേവനങ്ങളുടെയും പേരുകളില്‍ മാറ്റമുണ്ടാകില്ല.  ഇതിന്റെ ഉടമസ്ഥാവകാശമുള്ള മാതൃ കമ്പനിയുടെ പേരിലാണ് സാങ്കേതികമായി മാറ്റം വരുത്തുന്നതെന്ന് കമ്പനി സിഇഒ മാര്‍ക്ക് സക്കര്‍ബര്‍ഗ് അറിയിച്ചു.

ഇ-കൊമേഴ്സ് മേഖലയിലെ വന്‍ സാധ്യത; ചെറുനഗരങ്ങളിലേയ്ക്കും വിതരണം ലക്ഷ്യമിട്ട് കമ്പനികള്‍... Read More

''ഇന്ന് ഞങ്ങളെ ഒരു സോഷ്യല്‍ മീഡിയ കമ്പനിയായാണ് ഏവരും കാണുന്നത്. എന്നാല്‍ ഞങ്ങളുടെ പാരമ്പര്യം നോക്കുകയാണെങ്കില്‍ ആളുകളെ ബന്ധിപ്പിക്കുന്നതിനുള്ള സാങ്കേതികവിദ്യ നിര്‍മ്മിക്കുന്ന ഒരു കമ്പനിയാണ് ഞങ്ങള്‍. മെറ്റാവേര്‍സ് കമ്പനിയുടെ പ്രാരംഭഘട്ടത്തില്‍ സോഷ്യല്‍ നെറ്റ്വര്‍ക്കിംഗ് പോലെയായിരുന്നു.'' എന്നാണ് മാര്‍ക്ക് സക്കര്‍ബര്‍ഗ് പറഞ്ഞത്. ഫേസ്ബുക്ക് ഒരു സോഷ്യല്‍ മീഡിയ കമ്പനിയായി അറിയപ്പെടാന്‍ സക്കര്‍ബര്‍ഗ് ആഗ്രഹിച്ചിട്ടില്ല. ഒരുപാട് ഉല്‍പ്പന്നങ്ങളും ആപ്പുകളുമുള്ള ഒരു ടെക്‌നോളജി കമ്പനിയായി അറിയപ്പെടാനാണ് ഫേസ്ബുക്ക് ഇപ്പോള്‍ ആഗ്രഹിക്കുന്നത്. 

പുതിയ പ്ലാറ്റ്‌ഫോം കൂടുതല്‍ ആഴത്തിലുള്ളതായിരിക്കുമെന്നും ഉപയോക്താക്കള്‍ക്ക് അവര്‍ക്ക് സങ്കല്‍പ്പിക്കാന്‍ കഴിയുന്ന എന്തും ചെയ്യാന്‍ കഴിയുമെന്നും സക്കര്‍ബര്‍ഗ് പറയുന്നു. ആളുകള്‍ക്ക് സുഹൃത്തുക്കളുമായും കുടുംബാംഗങ്ങളുമായും ഒത്തുചേരാനും മെറ്റാ പ്ലാറ്റ്‌ഫോമില്‍ ജോലി ചെയ്യാനും പഠിക്കാനും കളിക്കാനും ഷോപ്പിംഗിനുമെല്ലാമുള്ള സാഹചര്യം സൃഷ്ടിക്കാനും കഴിയുമെന്ന് അദ്ദേഹം പറയുന്നു. കാലിഫോര്‍ണിയയിലെ മെന്‍ലോ പാര്‍ക്കിലെ ആസ്ഥാനത്ത് കമ്പനി ഒരു പുതിയ ലോഗോയും അനാച്ഛാദനം ചെയ്തു. തംപ്സ് അപ്പ്  ലോഗോയ്ക്ക് പകരം നീല ഇന്‍ഫിനിറ്റി ഷേപ്പ് നല്‍കുന്ന മെറ്റ എന്നെഴുതിയതാണ് പുതിയ ലോഗോ. മുന്‍പ് ഗൂഗിളും ഇത്തരത്തില്‍ പെരുമാറ്റം വരുത്തിയിരുന്നു. ആല്‍ഫബെറ്റ് എന്ന കമ്പനിക്ക് കീഴിലാണ് ഇപ്പോള്‍ ഗൂഗിള്‍.