കൊച്ചി: സോണി ഇന്ത്യ സംഗീതത്തിനായി മാത്രമായി ഏറ്റവും മികച്ച നോയ്സ് ക്യാൻസലിങ് സംവിധാനമുള്ള ഡബ്ല്യുഎഫ്-1000എക്സ് എം5 ഇയർബഡ് വിപണിയിൽ അവതരിപ്പിച്ചു. സമാനതകളില്ലാത്ത നോയ്സ് ക്യാൻസലേഷൻ, മികച്ച ശബ്ദാനുഭവം, സോണിയുടെ ഏറ്റവും മികച്ച കോൾ ക്വാളിറ്റി എന്നിവയ്ക്കൊപ്പം വിപണിയിലെ തന്നെ മികച്ച നോയ്സ് ക്യാൻസലേഷൻ പ്രകടനവും, പ്രീമിയം സൗണ്ട് ക്വാളിറ്റിയും നൽകുന്നതിനുള്ള അത്യാധുനിക സാങ്കേതികവിദ്യയാണ് ഡബ്ല്യുഎഫ്-1000എക്സ് എം5ൽ ഉൾപ്പെടുത്തിയിട്ടുള്ളത്. റിയൽ-ടൈം ഓഡിയോ പ്രൊസസറുകളും ഉയർന്ന പ്രകടനമുള്ള മൈക്കുകളും, ഇഷ്ട ആർട്ടിസ്റ്റുകൾക്കൊപ്പം സ്റ്റുഡിയോയിലാണെന്ന് തോന്നിപ്പിക്കുന്ന വിധത്തിലാണ് രൂപകൽപന ചെയ്തിരിക്കുന്നത്.

ലോ ഫ്രീക്വൻസി ക്യാൻസലേഷൻ പ്രകടനം മെച്ചപ്പെടുത്തുന്നതിന് ഡബ്ല്യുഎഫ്-1000എക്സ് എം5ൻറെ ഓരോ ഇയർബഡിലും ഡ്യുവൽ ഫീഡ്ബാക്ക് മൈക്കുകൾ ഉൾപ്പെടെ മൂന്ന് മൈക്രോഫോണുകൾ സജ്ജീകരിച്ചിട്ടുണ്ട്. സോണി പുതുതായി വികസിപ്പിച്ചെടുത്ത ഇൻറഗ്രേറ്റഡ് പ്രോസസർ വി2, എച്ച്ഡി നോയിസ് ക്യാൻസലിംഗ് പ്രോസസർ ക്യൂഎൻ2ഇ സാങ്കേതികവിദ്യകൾ ഉപയോഗിച്ചാണ് മികച്ച നോയ്സ് ക്യാൻസലിങ് നിലവാരം ഉറപ്പാക്കുന്നത്. ഹൈ-റെസെല്യൂഷൻ ഓഡിയോ വയർലെസ്, 360 റിയാലിറ്റി ഓഡിയോ, ഡൈനാമിക് ഡ്രൈവർ എക്സ്, ഹെഡ് ട്രാക്കിംഗ് ടെക്നോളജി, ഡീപ് ന്യൂട്രൽ നെറ്റ്വർക്ക് പ്രോസസിംഗ് തുടങ്ങിയവയാണ് മറ്റു സവിശേഷതകൾ.

സോണിയുടെ ജനപ്രിയ ഫീച്ചറുകളായ അഡാപ്റ്റീവ് സൗണ്ട് കൺട്രോൾ, സ്പീക്ക്-ടു-ചാറ്റ്, മൾട്ടിപോയിൻറ് കണക്റ്റ് തുടങ്ങിയവയും ഡബ്ല്യുഎഫ്-1000എക്സ് എം5ലുണ്ട്. 8 മണിക്കൂർ വരെയാണ് ബാറ്ററി ലൈഫ് വാഗ്ദാനം. 3 മിനിറ്റ് ചാർജ് ചെയ്താൽ 60 മിനിറ്റ് വരെ സംഗീതം ആസ്വദിക്കാം. ക്യൂഐ സാങ്കേതികവിദ്യ വയർലെസ് ചാർജിങ് എളുപ്പമാക്കുകയും ചെയ്യും.

വി ആപ്പിൽ 'റീചാർജ് & ഫ്‌ളൈ' ഓഫർ അവതരിപ്പിച്ചു... Read More

3000 രൂപ ക്യാഷ്ബാക്ക് ഉൾപ്പെടെ ഉപഭോക്താക്കൾക്ക് ഇപ്പോൾ 21,990 രൂപ വിലയ്ക്ക് ഡബ്ല്യുഎഫ്-1000എക്സ് എം5 പ്രീബുക്ക് ചെയ്യാം. പ്രീബുക്ക് ഓഫറിന് കീഴിൽ 4,990 രൂപ വിലയുള്ള എസ്ആർഎസ്-എക്സ്ബി100 പോർട്ടബിൾ സ്പീക്കർ സൗജന്യമായി ലഭിക്കും. 2023 സെപ്റ്റംബർ 27 മുതൽ ആരംഭിക്കുന്ന ഈ പ്രീബുക്കിംഗ് ഓഫർ സോണി സെൻറർ, ഇന്ത്യയിലെ പ്രമുഖ ഇലക്ട്രോണിക് സ്റ്റോറുകൾ, ഇ-കൊമേഴ്സ് പോർട്ടലുകൾ തുടങ്ങിയ എല്ലാ ഓൺലൈൻ, ഓഫ്ലൈൻ ചാനലുകളിലും 2023 ഒക്ടോബർ 15 വരെ ലഭ്യമാവും. 24,990 രൂപയാണ് യഥാർഥ വില. ബ്ലാക്ക്, പ്ലാറ്റിനം സിൽവർ നിറങ്ങളിൽ 2023 ഒക്ടോബർ 18 മുതൽ ലഭ്യമാവും.